ٹرمپ انتظامیہ کو بڑا دھچکا، ایک ہی دن میں دو اہم فیصلے آگئے

واشنگٹن:(پاکستان امیج) امریکا میں ٹرمپ انتظامیہ کو ایک ہی دن میں دو اہم عدالتی فیصلوں کا سامنا کرنا پڑا، جس نے سیاسی حلقوں میں ہلچل مچا دی ہے۔
امریکی عدالت نے سابق صدر ڈونلڈ ٹرمپ کے وائٹ ہاؤس میں 40 کروڑ ڈالر مالیت کے بال روم منصوبے پر عارضی طور پر کام روکنے کا حکم دے دیا ہے۔

عدالت کا کہنا ہے کہ یہ منصوبہ کانگریس کی منظوری کے بغیر جاری نہیں رکھا جا سکتا، جبکہ صدر کو وائٹ ہاؤس میں اس نوعیت کی تعمیر کی اجازت دینے کے حوالے سے کوئی واضح قانونی شق موجود نہیں، اس فیصلے کو انتظامی اختیارات کے استعمال پر ایک بڑی قدغن قرار دیا جا رہا ہے۔

دوسری جانب ایک اور اہم فیصلے میں امریکی عدالت نے نیشنل پبلک ریڈیو کی فنڈنگ روکنے کے اقدام کو غیر قانونی قرار دے دیا، عدالت کے مطابق اس اقدام سے عوامی معلومات تک رسائی متاثر ہو سکتی تھی، اس لیے اسے قانون کے منافی قرار دیا گیا۔

دوسری جانب ڈیموکریٹ رہنماؤں نے بھی ٹرمپ کے انتخابی معاملات سے متعلق ایگزیکٹو آرڈر کو چیلنج کرنے کا اعلان کیا ہے، ڈیموکریٹ رہنما حکیم جیفریز کا کہنا ہے کہ ٹرمپ کو ریاستی سطح پر انتخابی امور میں مداخلت کا کوئی اختیار حاصل نہیں ہے۔

تجزیہ کاروں کا کہنا ہے کہ ان عدالتی فیصلوں نے ٹرمپ کی سیاسی پوزیشن کو کمزور کیا ہے اور آنے والے دنوں میں مزید قانونی اور سیاسی چیلنجز سامنے آ سکتے ہیں، یہ پیش رفت امریکی سیاست میں ایک نئے مرحلے کا آغاز ثابت ہو سکتی ہے۔

Please follow and like us:
Pin Share

Check Also

واٹس ایپ کی کور فوٹو سے متعلق فیچر متعارف کرانے کی تیاری!

نیویارک(پاکستان امیج)انسٹنٹ میسجنگ ایپلی کیشن واٹس ایپ نے اپنے صارفین کے لیے ایک نیا اور …

Leave a Reply

Your email address will not be published. Required fields are marked *