کوئٹہ (پاکستان امیج)بلوچستان کے 3مختلف علاقوں میں دھماکوں ہوئے ہیں جن میں 4افراد کے زخمی ہونے کی اطلاعات موصول ہوئی ہیں۔
نجی ٹی وی چینل دنیا نیوز کے مطابق پولیس کا کہنا ہے کہ تربت میں آبسر روڈ پر دھماکے کے نتیجے میں ایک شخص زخمی ہو گیا،دوسری جانب کوئٹہ میں نیو سبزل روڈ کے قریب دھماکے کی آواز سنی گئی ہے ، پولیس اور ریسکیو ادارے دھماکے کی جگہ پر روانہ ہو گئے۔
ادھرجعفر آباد کے علاقےڈیرہ اللہ یار میں قومی شاہراہ بھٹی ہوٹل کے قریب کریکر دھماکا ہوا جس میں 3افراد زخمی ہو گئے، پولیس کاکہنا ہے کہ کریکر دھماکے میں 3افراد زخمی ہوئے جنہیں ہسپتال منتقل کردیا گیا۔
Pakistan Image