روزے کب شروع ہوں گے؟ رمضان المبارک 2027 کے آغاز کی متوقع تاریخ سامنے آگئی

دبئی(پاکستان امیج) متحدہ عرب امارات میں رمضان المبارک 1448 ہجری کے آغاز کی متوقع تاریخ سامنے آگئی ہے۔

بین الاقوامی فلکیاتی مرکز کے حسابات کے مطابق امارات میں رمضان المبارک کا پہلا روزہ پیر 8 فروری 2027 کو ہونے کا امکان ہے۔

بین الاقوامی فلکیاتی مرکز کے مطابق رمضان المبارک کے چاند کی پیدائش ہفتہ 6 فروری 2027 کو عالمی وقت کے مطابق صبح 3 بج کر 56 منٹ پر ہوگی۔

فلکیاتی حسابات کے مطابق رمضان کے چاند کی رویت کے امکانات کا جائزہ 6 اور 7 فروری کو لیا جائے گا۔ پہلے سے مرتب ہجری کیلنڈر کے مطابق بھی رمضان المبارک کا آغاز 8 فروری 2027 سے متوقع ہے۔

اگر متحدہ عرب امارات کا سرکاری مذہبی کیلنڈر بھی فلکیاتی حسابات کے مطابق رہا تو اماراتی شہری اور وہاں مقیم مسلمان 8 فروری سے رمضان کے روزے رکھنا شروع کریں گے۔

رمضان المبارک اسلامی ہجری سال کا نواں مہینہ ہے اور دنیا بھر کے مسلمان اس مہینے میں طلوع فجر سے غروب آفتاب تک روزہ رکھتے ہیں۔ رمضان کے آغاز کا انحصار چاند کی رویت پر ہوتا ہے، اس لیے مختلف ممالک میں رمضان کے پہلے روزے کی تاریخ ایک دن آگے یا پیچھے ہوسکتی ہے۔

Please follow and like us:
Pin Share

Check Also

واٹس ایپ کی کور فوٹو سے متعلق فیچر متعارف کرانے کی تیاری!

نیویارک(پاکستان امیج)انسٹنٹ میسجنگ ایپلی کیشن واٹس ایپ نے اپنے صارفین کے لیے ایک نیا اور …

Leave a Reply

Your email address will not be published. Required fields are marked *