عیدالاضحیٰ: کوئٹہ سے پہلی اسپیشل ٹرین کا سفر شروع، مزید 2 ٹرینیں کراچی سے روانہ ہونگی

کوئٹہ (پاکستان امیج)عید الاضحیٰ کے موقع پر مسافروں کی سفری مشکلات کے پیشِ نظر پاکستان ریلویز نے ملک بھر میں 3 خصوصی ٹرینیں چلانے کا اعلان کیا ہے۔

پاکستان ریلویز کے ترجمان کے مطابق پہلی خصوصی ٹرین آج صبح 10 بجے کوئٹہ سے راولپنڈی کے لیے روانہ ہوگئی۔ یہ ٹرین 8 اکانومی بوگیوں اور ایک پاور وین پر مشتمل ہے، جس میں 500 سے زائد مسافروں کے سفر کرنے کی گنجائش موجود ہے۔

یہ ٹرین سبی، جیکب آباد، سکھر، ملتان اور لاہور سے گزر کر 24 مئی کو راولپنڈی پہنچے گی۔

انتظامیہ نے ٹرینوں کے بروقت اور مؤثر آپریشن کو یقینی بنانے کے لیے تمام تر انتظامات مکمل کرنے کی ہدایات جاری کی ہیں۔

شیڈول کے مطابق کراچی سے راولپنڈی براستہ ملتان، فیصل آباد اور سرگودھا کے لیے دوسری اسپیشل ٹرین 24 مئی کو چلے گی جب کہ اس سلسلے کی آخری یعنی تیسری خصوصی ٹرین 25 مئی کو کراچی سے لاہور کے لیے روانہ کی جائے گی۔

ان تینوں اسپیشل ٹرینوں میں 7 سے 8 کوچز شامل کی گئی ہیں۔ عید کے موقع پر پشاور کو عید اسپیشل ٹرینوں کے روٹ میں شامل نہیں کیا گیا، جس سے پشاور کے مسافر محروم رہیں گے۔

Please follow and like us:
Pin Share

Check Also

گوادر میں ہلاک دہشت گرد کے والد اور بھائی کی پریس کانفرنس، ندامت کا اظہار

گوادر(پاکستان امیج) گوادر میں سکیورٹی فورسز کے ہاتھوں ہلاک ہونے والے فتنہ الہندوستان کے دہشت …

Leave a Reply

Your email address will not be published. Required fields are marked *