بحرین نے اسرائیل کیلئے جاسوسی کرنے والا بھارتی شہری گرفتار کرلیا

بحرین (پاکستان امیج)خلیجی ملک بحرین میں اسرائیلی خفیہ ایجنسی کے لیے مبینہ جاسوسی کے الزام میں ایک بھارتی شہری کو گرفتار کر لیا گیا ہے۔

میڈیا رپورٹس کے مطابق گرفتار شخص کی شناخت نتن موہن کے نام سے ہوئی ہے جو پیشے کے اعتبار سے ٹیلی کمیونیکیشن انجینئر بتایا جاتا ہے۔

حکام کا کہنا ہے کہ اس پر الزام ہے کہ وہ اسرائیلی خفیہ ایجنسی موساد کو حساس معلومات فراہم کر رہا تھا۔

ابتدائی اطلاعات کے مطابق ملزم نے جغرافیائی معلومات، تصاویر اور ویڈیوز موساد کو فراہم کیں جن میں بعض اہم اور اسٹریٹجک مقامات کی تفصیلات بھی شامل تھیں۔ حکام کے مطابق ایسی معلومات غیر ملکی انٹیلی جنس اداروں کو ممکنہ اہداف کے تعین اور تجزیے میں مدد دے سکتی ہیں۔

بحرین کی وزارت داخلہ نے گرفتاری کی تصدیق کرتے ہوئے کہا ہے کہ معاملے کی تحقیقات جاری ہیں جبکہ تفتیش مکمل ہونے کے بعد مزید تفصیلات جاری کی جائیں گی۔

رپورٹس کے مطابق اس ملزم کے علاوہ بھی کئی بھارتی شہری جاسوسی اور سنگین غداری کے الزامات کے تحت گرفتار کیے گئے ہیں۔ اگر الزامات ثابت ہو گئے تو ملزمان کو سخت سزاؤں کا سامنا کرنا پڑ سکتا ہے اور بعض رپورٹس میں سزائے موت کے امکان کا بھی ذکر کیا جا رہا ہے۔

Please follow and like us:
Pin Share

Check Also

واٹس ایپ کی کور فوٹو سے متعلق فیچر متعارف کرانے کی تیاری!

نیویارک(پاکستان امیج)انسٹنٹ میسجنگ ایپلی کیشن واٹس ایپ نے اپنے صارفین کے لیے ایک نیا اور …

Leave a Reply

Your email address will not be published. Required fields are marked *