دبئی کی شہزادی شیخہ مہرا اور گلوکار فرنچ مونٹانا نے منگنی کرلی

دبئی(پاکستان امیج)دبئی: مشہور گلوکار اور موسیقار فرنچ مونٹانا اور دبئی کے حکمران ومتحدہ عرب امارات کے وزیراعظم شیخ محمد بن راشد المکتوم کی صاحبزادی شہزادی شیخہ مہرا نے منگنی کر لی ہے۔

عالمی میڈیا رپورٹس کے مطابق یہ رشتہ رواں برس جون میں پیرس فیشن ویک کے دوران باضابطہ طور پر طے پایا۔ دونوں کو گزشتہ برس سے دبئی اور مراکش سمیت مختلف مقامات پر ایک ساتھ دیکھا جاتا رہا ہے جس کے بعد ان کے تعلقات پر چہ مگوئیاں بڑھ گئی تھیں۔

شہزادی شیخہ مہرا جو گھڑ سواری اور فلاحی کاموں کے حوالے سے شہرت رکھتی ہیں، اس سے قبل شادی شدہ تھیں اور گزشتہ برس جولائی میں انہوں نے سوشل میڈیا پر اپنے سابق شوہر پر بے وفائی کا الزام عائد کرتے ہوئے علیحدگی کا اعلان کیا تھا۔ ان کی پہلی شادی سے ایک بیٹی بھی ہے جس کی عمر 15ماہ ہے۔

منگنی کے اعلان کے بعد اسے عالمی میڈیا نے ایک نمایاں اور غیر معمولی رشتہ قرار دیا ہے جو ایک طرف دبئی کے شاہی خاندان جبکہ دوسری طرف عالمی شہرت یافتہ گلوکار کو یکجا کرتا ہے۔

 

View this post on Instagram

 

A post shared by 🌱 (@aplasticplant)

گزشتہ سال اکتوبر میں شہزادی شیخہ مہرا نے پہلی بار فرنچ مونٹانا کے ساتھ تصاویر شیئر کیں جن میں وہ دبئی میں انہیں شہر کے مختلف مقامات کی سیر کرواتی نظر آئیں۔ جون 2025 میں ان کی ہاتھوں میں ہاتھ ڈالے تصاویر منظر عام پر آئیں جو سوشل میڈیا پر وائرل ہو گئیں۔

Please follow and like us:
Pin Share

Check Also

واٹس ایپ کی کور فوٹو سے متعلق فیچر متعارف کرانے کی تیاری!

نیویارک(پاکستان امیج)انسٹنٹ میسجنگ ایپلی کیشن واٹس ایپ نے اپنے صارفین کے لیے ایک نیا اور …

Leave a Reply

Your email address will not be published. Required fields are marked *