ملک بھر میں آج کہاں کہاں بادل برسیں گے؟ محکمہ موسمیات نے اہم پیشگوئی کردی

اسلام آباد(پاکستان امیج)محکمہ موسمیات نے پنجاب اورخیبرپختونخوا کے مختلف مقامات پر بارشوں کی پیشگوئی کی ہے۔

نجی ٹی وی سما نیوز کے مطابق ترجمان محکمہ موسمیات کاکہنا ہے کہ پنجاب کے بیشتر اضلاع میں موسم گرم اورمرطوب رہنےکی توقع ہے، شمال مشرقی اضلاع میں چند مقامات پر موسلادھاربارش کی بھی توقع ہے،دوسری جانب خیبرپختونخوا کے بالائی اضلاع میں چند مقامات پر موسلادھار بارش متوقع ہے۔

سندھ کےبیشتر اضلاع میں موسم گرم اورحبس رہنے کا امکان ہے،کراچی سمیت ساحلی علاقوں میں مطلع جزوی ابر آلود رہنےکےساتھ ہلکی بارش کا امکان ہے،بلوچستان کے بیشتر اضلاع میں موسم گرم اور مرطوب رہنے کی توقع ہے،شام یا رات کے دوران ژوب،بارکھان،خضدار،موسیٰ خیل میں بارش ہوسکتی ہے۔

محکمہ موسمیات نے تمام متعلقہ اداروں کو الرٹ رہنے اور پیشگی اقدامات کی ہدایات بھی جاری کر دی ہیں۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *