کراچی (پاکستان امیج) پاکستان تحریک انصاف سندھ کے صدر حلیم عادل شیخ کو ریلیز آرڈر جاری ہونے کے بعد سینٹرل جیل سے رہا کر دیا گیا تاہم جیل سے وہ اپنے ساتھ عمران خان کی تصویر ساتھ لے کر گھر واپس گئے، جو کہ اسیری کے دوران 5 ماہ تک ان کی بیرک میں لگی رہی۔
تفصیلات کے مطابق حلیم عادل شیخ مجموعی طور پر 171 دن جیل میں رہے، ان کی رہائی کے موقع پر پی ٹی آئی کے کارکنان سینٹرل جیل کے باہر موجود تھے۔ترجمان پی ٹی آئی سندھ کے مطابق حلیم عادل شیخ کیخلاف مجموعی طور پر 40 مقدمات تھے، ان کو تمام مقدمات میں ضمانت پر رہائی مل چکی ہے۔
واضح رہے کہ پی ٹی آئی رہنما حلیم عادل شیخ پر زمینوں پر قبضے، 9 مئی ہنگامہ آرائی اور پولیس پر حملے کے الزامات ہیں،حلیم عادل شیخ نے حالیہ الیکشن میں این اے 238 سے انتخابات میں حصہ لیا تاہم وہاں سے ایم کیو ایم کے امیدوار صادق افتخار کامیاب ہو گئے۔
Pakistan Image