کامران ٹیسوری نے وفاقی وزیر داخلہ سینیٹر محسن نقوی کو حکومت کا جادوگر قرار دے دیا

کراچی (پاکستان امیج) گورنر سندھ کامران ٹیسوری نے وفاقی وزیر داخلہ سینیٹر محسن نقوی کو حکومت کا جادوگر قرار دے دیا۔

روزنامہ جنگ کے مطابق کراچی میں میڈیا سے گفتگو میں کامران ٹیسوری نے پی ٹی آئی پر طنز کے وار کردیے اور کہا کہ محسن نقوی ہمارا جادوگر ہے، اس نے پی ٹی آئی کا سارا میلا لپیٹ کر واپس بھیج دیا۔

انہوں نے کہا کہ ورغلائے ہوئے نوجوان مس کال پر ڈی چوک پہنچ گئے مگر تحریک انصاف کے رہنما اپنے کارکنوں کو چھوڑ کر بھاگ گئے۔گورنر سندھ نے مزید کہا کہ پہلے ہی کہا تھا کہ یہ فائنل کال نہیں مس کال ہے، بانی پی ٹی آئی میٹنگ کے لئے بلاتے ہیں اور کہتے ہیں مجھے نکالو۔

اُن کا کہنا تھا کہ وزیر داخلہ محسن نقوی نے اسلام آباد سے مظاہرین کو واپس بھیج دیا، جو مظاہرین جیل میں ہیں ان کی ضمانت کروانے کےلیے تیار ہوں، حکومت کے پاس تمام آپشنز ہیں، کوئی لاڈلہ نہیں ہونا چاہیے، تمام سیاسی جماعتوں کے ساتھ یکساں رویہ رکھنا چاہیے۔

گورنر سندھ نے کہا کہ بانی پی ٹی آئی کے پاس اگر کوئی معاشی حل ہے تو بتائیں، اُن کے پاس سیاسی اور معاشی ٹیم نہیں۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *