ڈراما سیریل ‘منت مراد’ کی اداکارہ نے خاموشی سے نکاح کرلیا

کراچی(پاکستان امیج)معروف ڈراما سیریل “منت مراد” میں نگی کا کردار ادا کرنے والی اداکارہ ثنا نادر شاہ نے نکاح کرلیا۔

ثنا نادر شاہ نے اپنے نکاح کی ویڈیوز اور تصاویر اپنے آفیشل انسٹاگرام اکاؤنٹ کی اسٹوری میں پوسٹ کیں، اداکارہ نے اپنی زندگی کے سب سے خاص دن پر گولڈن رنگ کے خوبصورت عروسی لباس کا انتخاب کیا۔
اداکارہ کا نکاح اُن کے قریبی رشتہ داروں اور چند دوستوں کی موجودگی میں ہوا جبکہ ابھی تک ثنا نادر شاہ کے شوہر کے حوالے سے کوئی تفصیلات سامنے نہیں آئی ہیں۔

ثنا نادر شاہ نے اپنے نکاح کی تصاویر اور ویڈیوز انسٹاگرام پر شیئر کیں تو شوبز شخصیات اور اُن کے دوستوں کی جانب سے اُنہیں مبارکباد دی گئی۔

سوشل میڈیا کے مختلف پلیٹ فارمز پر بھی ثنا نادر شاہ کے نکاح کی ویڈیوز اور تصاویر وائرل ہورہی ہیں جہاں مداحوں کی جانب سے اداکارہ کے لیے نیک خواہشات کا اظہار کیا جارہا ہے۔

دوسری جانب ثنا نادر شاہ نے یہ واضح نہیں کیا کہ اُن کا صرف نکاح ہوا ہے یا رخصتی بھی ہوگئی ہے۔

واضح رہے کہ ثنا نادر شاہ نے نجی ٹی وی چینل کے معروف ڈراما سیریل “منت مراد” میں مراد کی چھوٹی بہن نگی کا کردار ادا کیا جبکہ اصل زندگی میں وہ معروف اداکارہ فرح کی بیٹی ہیں۔

اس ڈراما سیریل میں منت کا کردار اقرا عزیز جبکہ مراد کا کردار طلحہ چہور ادا کررہے ہیں، ڈرامے کو سامعین کی طرف سے خوب پذیرائی بھی مل رہی ہے۔

Please follow and like us:
Pin Share

Check Also

پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان مبینہ علیحدگی کی افواہیں ایک بار پھر سوشل میڈیا پر زیرِ بحث آگئیں۔

لاہور(پاکستان امیج )پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان …

Leave a Reply

Your email address will not be published. Required fields are marked *