وزیراعلیٰ سندھ کی سواری ٹیکس نادہند ہونے کیساتھ نیب زدہ بھی نکلی، کاغذات ضبط، حیران کن خبرآگئی

جیکب آباد (پاکستان امیج) وزیر اعلیٰ سندھ کی سواری ٹیکس نادہندہ ہونے کے ساتھ نیب زدہ بھی نکلی۔

روزنامہ جنگ کے مطابق وزیر اعلیٰ سندھ سید مراد علی شاہ نے عاشورہ کے انتظامات کا جائزہ لینے کے لئے جیکب آباد کا جس گاڑی نمبر BU2020پر سوار ہوکر دورہ کیا وہ گاڑی نہ صرف محکمہ ایکسائیز کی ڈہائی سال سے نہ صرف ٹیکس نادہند ہے بلکہ گاڑی کے نیب زدہ ہونے کا بھی انکشاف ہوا ہے۔

نیب زدہ ہونے کی وجہ سے مذکورہ گاڑی کے کاغذات ضبط بتائے جاتے ہیں یہ گاڑی محکمہ ایکسائیز کے سابق وزیر مکیش کمار چاولہ کی رشتے دار کے نام رجسٹر ہے۔ایک طرف محکمہ ایکسائیز کے وزیر شرجیل انعام میمن ٹیکس نادہند گاڑیوں کے خلاف مہم چلانے کا دعوی کررہے ہیں تو دوسری طرف حکومتی شخصیات اسی دعویٰ کی نفی کر رہی ہیں۔

صوبے میں بڑے پیمانے پر حکومتی شخصیات، سرکاری افسران کے زیر استعمال گاڑیوں کا یا تو سالوں سے محکمہ ایکسائیز کو ٹیکس ادا نہیں کیا گیا یا تو پھر وہ نان کسٹم پیڈ گاڑیاں فرضی نمبر پلیٹ لگا کر استعمال کررہے ہیں۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *