’میں سری دیوی کے عشق میں مبتلاتھا،پیار میں پاگل ہو گیا تھا‘ کرن جوہر نے آنجہانی اداکارہ کی بیٹیوں کو بتادیا

ممبئی (پاکستان امیج ) بھارتی ہدایتکار کرن جوہر نے انکشاف کیا ہے کہ ایک وقت تھا جب وہ بھارتی آنجہانی اداکارہ سری دیوی سے دیوانہ وار پیار کرتے تھے۔کرن جوہر نے چیٹ شو کے دوران پرانی یادوں کو تازہ کرتے ہوئے بتایا کہ وہ سری دیوی کے عشق میں مبتلا ہو گئے تھے، اُنہوں نے جھانوی اور خوشی کو بتایا کہ وہ اُن کی والدہ کے پیار میں پاگل ہو گئے تھے۔

روزنامہ جنگ کے مطابق کرن جوہر نے اس بات کا انکشاف اپنے چیٹ شو ’کافی وِد کرن‘ میں سری دیوی کی اداکار بیٹیوں جھانوی اور خوشی کپور کے ساتھ بات چیت کے دوران کیا،کرن جوہر کا کہنا تھا کہ وہ سری دیوی کے سب سے بڑے پرستار تھے۔

کرن جوہر نے چیٹ شو کے دوران سری دیوی کے ہمراہ اپنی پہلی ملاقات کا ذکر بھی کیا، اُن کا کہنا تھا کہ سری دیوی سے پہلی ملاقات کے دوران وہ اُن کے خوف میں مبتلا ہو گئے تھے، ’مجھے یاد ہے کہ 1993ء میں میری پہلی بار سری دیوی سے ملاقات ہوئی تھی، وہ سری دیوی کے ساتھ فوٹو شوٹ کے لیے گئے تھے اور اس دوران اُن کی ٹانگیں کانپ رہی تھیں اور وہ بہت گھبرائے ہوئے تھے۔‘

انہوں نے مزید کہا کہ ’میرے والد نے سری دیوی سے میرا تعارف کرایا تھا اور اُس وقت میں خود سے متعلق سب کچھ بھول چکا تھا کہ میں نے کیا کچھ کر رکھا ہے یا میں کیا کرتا ہوں، میں زندگی بھر مشہور شخصیات سے ملا ہوں مگر مجھے اس طرح کبھی محسوس نہیں ہوا جیسا سری دیوی کے ساتھ ملنے پر محسوس ہوا تھا۔‘

انہوں نے مزید کہا کہ سری دیوی سے پہلی ملاقات میں، میں خود کو ایک کمتر انسان محسوس کر رہا تھا کہ جبکہ مجھے ایسا محسوس ہو رہا تھا کہ جیسے سب کچھ سری دیوی ہی ہیں اور وہ بہت خوبصورت نظر آ رہی تھیں، مجھ میں اتنی سی ہمت بھی نہیں تھی کہ میں سری دیوی کے سامنے اُن کی تعریف کر سکوں یا اُنہیں بتا سکوں کہ وہ کتنی حسین ہیں۔

Please follow and like us:
Pin Share

Check Also

پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان مبینہ علیحدگی کی افواہیں ایک بار پھر سوشل میڈیا پر زیرِ بحث آگئیں۔

لاہور(پاکستان امیج )پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان …

Leave a Reply

Your email address will not be published. Required fields are marked *