ملتان میں بس سٹینڈ پر لڑکی کو مبینہ اجتماعی زیادتی کا نشانہ بنا دیا گیا

ملتان (پاکستان امیج )ملتان میں نجی بس اسٹینڈ پر چار افراد نے لڑکی کو مبینہ طور پر جنسی زیادتی کا نشانہ بنا ڈالا۔

نجی ٹی وی جیونیوز کے مطابق لڑکی اسٹینڈ پرصفائی کاکام کرتی تھی، ورکشاپ میں 4 افراد نے اجتماعی زیادتی کا نشانہ بنایا جس کا مقدمہ درج کر لیا گیا ہے۔متاثرہ لڑکی نے پولیس کو بتایا کہ شام ساڑھے 6 بجے وہ اپنا کام ختم کر کے بس اسٹینڈ سے نکلنے لگی تو ایک بس ڈرائیور اسے نزدیکی ورکشاپ میں صفائی کرنے کا کہہ کر ساتھ لے گیا جہاں 4 افراد نے اسے اجتماعی زیادتی کا نشانہ بنایا۔

لڑکی کے مطابق زیادتی کے بعد اسے نیم بے ہوشی کی حالت میں ورکشاپ کے باہر پھینک دیا گیا، ہوش آنے پر اس نے بس اسٹینڈ آکر اسٹینڈ کے مینجر کے نمبر سے پولیس کو اطلاع دی۔پولیس نے موقع پر پہنچ کر لڑکی کے بیان پر چار افراد کے خلاف اجتماعی زیادتی کا مقدمہ درج کرلیا تاہم ملزمان کی گرفتاری عمل میں نہیں آسکی ہے۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *