مریم نور نے اپنے ہاں جَلد ننھے مہمان کی آمد کا اعلان کردیا

کراچی (پاکستان امیج) پاکستان شوبز انڈسٹری کی اداکارہ مریم نور نے اپنے ہاں جَلد ننھے مہمان کی آمد کا اعلان کردیا۔

روزنامہ جنگ کے مطابق فوٹو اینڈ ویڈیو شیئرنگ پلیٹ فارم انسٹاگرام پر اداکارہ نے نئی پوسٹ شیئر کرکے مداحوں کو بھی اپنی خوشی میں شامل کرلیا ہے۔اداکارہ نے اپنی انسٹاپوسٹ میں ایک خوبصورت تصویر شیئر کی ہے جس میں ہاتھوں میں نومولود کے پیر دکھائی دے رہے ہیں اور ساتھ ہی ستمبر 2024 کی تاریخ درج ہے۔

انہوں نے اپنی پوسٹ کے کیپشن میں دعاؤں کی التجا کرتے ہوئے لکھا کہ ہمیں اپنی دعاؤں میں یاد رکھیے گا۔ اس کے ساتھ ہی انہوں نے نظرِ بد سے محفوظ رہنے اور دل والے ایموجیز کا بھی اضافہ کیا۔مریم نور کی اس پوسٹ کے مطابق وہ جلد ہی ممتا کی دہلیز پر قدم رکھنے کو تیار ہیں اور ان کے ہاں رواں سال ستمبر میں ننھے مہمان کی آمد متوقع ہے۔

اداکارہ کی جانب سے سوشل میڈیا پر ننھے مہمان کی آمد کا اعلان کرتے ہی ساتھی فنکاروں اور مداحوں کی جانب سے مبارک باد اور نیک خواہشات کا سلسلہ شروع ہوگیا۔یاد رہے کہ مریم نور اور فلائٹ انسٹرکٹر اسماعیل بٹ نومبر 2022 میں رشتہ ازدواج میں منسلک ہوگئے تھے۔

Please follow and like us:
Pin Share

Check Also

پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان مبینہ علیحدگی کی افواہیں ایک بار پھر سوشل میڈیا پر زیرِ بحث آگئیں۔

لاہور(پاکستان امیج )پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان …

Leave a Reply

Your email address will not be published. Required fields are marked *