لندن (پاکستان امیج) فٹبال کی عالمی تنظیم (فیفا) نے برطانوی نژاد پاکستانی فٹبالر اوٹس خان کو پاکستان کی نمائندگی کی اجازت دے دی۔
فیفا نے اوٹس خان کی شہریت پر تنازعہ کی وجہ سے انہیں کھیلنے سے روک دیا تھا تاہم اب انہیں پاکستان کی نمائندگی کی اجازت مل گئی ہے جبکہ ایشین فٹبال کنفیڈریشن نے بھی اوٹس کو پاکستان ٹیم سے کھیلنے کیلئے کلیئر کر دیا ہے۔
فیفا سے کلیئرنس ملنے کے بعد اوٹس خان ورلڈ کپ کوالیفائر راؤنڈ ٹو میں پاکستان کی نمائندگی کریں گے۔
اوٹس نے شہریت تنازعہ کی وجہ سے راؤنڈ ون کا میچ مس کر دیا تھا۔
View this post on Instagram
فیفا کی جانب سے اوٹس خان کے دادا کی نئی دہلی میں ولادت کی بنیاد پر ان کی پاکستانی شہرت پر سوال اٹھایا گیا تھا۔
نئی دہلی میں ولادت پاکستان بننے سے قبل تھی، پاکستان بننے کے بعد فیملی فیصل آباد منتقل ہوگئی تھی۔
Pakistan Image