کراچی (پاکستان امیج) چیئرمین پیپلز پارٹی بلاول بھٹو کی سینئر قیادت کو مستعفی ہونے کی ہدایت کے بعد فرحت اللہ بابر نے پیپلز پارٹی پارلیمنٹیرین کے جنرل سیکرٹری کے عہدے سے استعفیٰ دیدیا۔
نجی ٹی وی دنیا نیوز کے مطابق پیپلز پارٹی کے سینئر رہنما فرحت اللہ بابر نے استعفیٰ دینے سے پہلے سابق صدر آصف زرداری کو ٹیلیفون کیا اور اپنے فیصلے سے متعلق اعتماد میں لیا۔ فرحت اللہ بابر پارٹی کے ہیومن رائٹس سیل کے صدر کی حیثیت سے کام جاری رکھیں گے۔
واضح رہے کہ بلاول بھٹو نے چترال کنونشن میں سینئر قیادت کو اپنے عہدوں سے الگ ہونے کا کہا تھا۔
Pakistan Image