عوامی سہولت کیلئے ٹول پلازوں کو ڈیجیٹل کرنے کا فیصلہ

لاہور (پاکستان امیج) محکمہ ہائی وے نے صوبے بھر کے تمام مینول ٹول پلازوں کو ڈیجیٹل کرنے کا اہم فیصلہ کر لیا۔

اس کا مقصد اوورچارجنگ اور کرپشن کا خاتمہ اور ٹول وصولی کے نظام میں شفافیت لانا ہے، یہ فیصلہ صوبائی وزیر تعمیرات و مواصلات ملک صہیب احمد بھرتھ کی زیر صدارت اجلاس میں کیا گیا، جس میں ٹول پلازوں کی ڈیجیٹلائزیشن کے عمل کا تفصیلی جائزہ لیا گیا۔

صوبائی وزیر نے کہا کہ محکمہ ہائی وے کے 41 ٹول پلازوں کو مرحلہ وار ڈیجیٹل کیا جائے گا جبکہ کیش کولیکشن کے نظام کو بہتر بنانے کے لیے جدید ڈیش بورڈ بھی متعارف کروایا جائے گا۔

اجلاس میں ٹول پلازوں پر اوور چارجنگ کی شکایات پر فیلڈ افسران کی سرزنش بھی کی گئی اور ہدایت دی گئی کہ اوور چارجنگ میں ملوث افراد کے خلاف سخت کریک ڈاؤن کرتے ہوئے مقدمات درج کیے جائیں۔

مزید برآں عوامی سہولت کیلئے تمام ٹول پلازوں پر ایم ٹیگ کی سہولت فراہم کی جائے گی تاکہ گاڑیوں کی آمد و رفت اور ادائیگی کے عمل میں شفافیت آئے، حکام کے مطابق ٹول پلازوں کے انفراسٹرکچر کو بھی اپ گریڈ کیا جا رہا ہے تاکہ نظام کو جدید تقاضوں کے مطابق بنایا جا سکے۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *