صدر آصف زرداری آج کرغزستان کے 4 روزہ دورے پر روانہ ہوں گے

اسلام آباد(پاکستان امیج)صدر مملکت آصف علی زرداری کرغزستان کا آج سے 4 روزہ سرکاری دورے پر آستانہ پہنچیں گے، جہاں وہ ایک اعلیٰ سطحی وفد کی قیادت کریں گے۔

یہ دورہ کرغزستان کے صدر صادیر ژاپاروف کی دعوت پر کیا جا رہا ہے۔

دفتر خارجہ کے ترجمان کی جانب سے جاری بیان کے مطابق گزشتہ 21 برسوں میں کسی بھی پاکستانی صدر کا یہ کرغزستان کا پہلا دورہ ہے، جسے دونوں ممالک کے دوطرفہ تعلقات میں ایک تاریخی سنگ میل قرار دیا جا رہا ہے۔

بیان میں کہا گیا ہے کہ یہ دورہ دسمبر 2025 میں کرغزستان کے صدر صادیر ژاپاروف کے پاکستان کے کامیاب دورے کا تسلسل ہے اور دونوں برادر ممالک کے درمیان اعلیٰ سطح کے روابط میں مسلسل بہتری کی عکاسی کرتا ہے۔

دورے کے دوران صدر آصف علی زرداری اور صدر صادیر ژاپاروف کے درمیان ون آن ون ملاقات اور وفود کی سطح پر مذاکرات ہوں گے۔

دونوں رہنما پاکستان اور کرغزستان کے دوطرفہ تعلقات کے تمام پہلوؤں کا جائزہ لینے کے ساتھ ساتھ باہمی دلچسپی کے علاقائی اور عالمی امور پر بھی تبادلہ خیال کریں گے۔

مذاکرات میں تجارت و سرمایہ کاری، توانائی، معدنیات، زراعت، ٹیکسٹائل، حلال صنعت، صحت، ادویہ سازی، ڈیجیٹل معیشت، تعلیم، سیاحت اور عوامی روابط سمیت مختلف شعبوں میں تعاون کے فروغ پر خصوصی توجہ دی جائے گی۔

اپنے دورے کے دوران صدر مملکت کرغز پارلیمنٹ کے اسپیکر سے بھی ملاقات کریں گے۔

دفتر خارجہ کے مطابق پاکستان اور کرغز جمہوریہ کے درمیان دوستانہ اور برادرانہ تعلقات قائم ہیں، جو مشترکہ تاریخ، مذہبی و ثقافتی ہم آہنگی اور وسطی و جنوبی ایشیا میں امن، روابط اور خوشحالی کے مشترکہ وژن پر استوار ہیں۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *