شدید بارش سے دبئی پاکستان کا فلائٹ آپریشن متاثر، 18 پروازیں منسوخ

اسلام آباد(پاکستان امیج)شدید بارش سے دبئی پاکستان کا فلائٹ آپریشن شدید متاثرہوگیا۔

فلائٹ شیڈول کے مطابق شدید بارش سے پاکستان کے مختلف ائیرپورٹ سے دبئی شارجہ کی 18 پروازیں منسوخ ہوگئیں جب کہ ملک کے مختلف ائیرپورٹس کی 67 پروازوں کی آمد اور روانگی میں تاخیر ہوئی۔

دبئی کراچی کی غیر ملکی ائیرلائن کی 2 پروازیں، فیصل آباد دبئی سے 2 پروازیں ، لاہور سے دبئی کی 3 پروازیں، پشاور دبئی کی 6 پروازیں اور اسلام آباد سے دبئی کی 2 پروازیں بھی منسوخ ہوگئیں۔

فلائٹ شیڈول کے مطابق لاہور کی 16، کراچی کی 12، اسلام آباد کی 21 پروازوں کی آمد اورروانگی میں تاخیر ہوئی۔

اس کے علاوہ دھند کے سبب ملتان ائیرپورٹ کی 8 پروازوں کی آمد اور روانگی میں تاخیر ہے جب کہ سیالکوٹ کی 2 ، پشاور کی 4 ، اسکردواور کوئٹہ کی 2، 2 پروازیں بھی تاخیرکا شکار ہیں۔

Please follow and like us:
Pin Share

Check Also

پنجاب: میٹرک پاس طلبہ کے لیے 17 میڈیکل ڈپلومہ کورسز میں داخلوں کا اعلان

لاہور(پاکستان امیج)میٹرک کے بعد صحت کے شعبے میں کیریئر بنانے کے خواہش مند طلبہ کے …

Leave a Reply

Your email address will not be published. Required fields are marked *