شدید بارشیں، مری میں 2 دن سکول بند رکھنے کا فیصلہ

مری(پاکستان امیج)ملکہ کوہسار مری میں شدید بارشوں کی وجہ سے دو دن سکول بند رکھنے کا فیصلہ کیا گیا ہے۔

نجی ٹی وی چینل ہم نیوز کے مطابق مری میں اگلے دو روز سکول بند رہیں گے۔ سی ای او ایجوکیشن ڈسٹرکٹ ایجوکیشن اتھارٹی کے مطابق منگل 19 اگست اور بدھ 20 اگست کو تعلیمی ادارے بند رہیں گے۔

مری میں تیز بارش کے باعث ندی نالے بپھر گئے ہیں، کہوٹہ جی پی او چوک مال روڈ پر پانی تالاب کا منظر پیش کر رہا ہے، دوسری جانب گلیات میں لینڈ سلائیڈنگ سے مری اور ایبٹ آباد کو ملانے والی شاہراہ بند ہو گئی ہے۔

واضح رہے کہ مری میں کلاؤڈ برسٹ کا خطرہ بھی ظاہر کیا گیا ہے،اس سلسلے میں انتظامیہ نے شہریوں اور سیاحوں کو الرٹ بھی جاری کر دیا ہے، ڈپٹی کمشنر مری نے کہا ہے کہ عوام بارشوں کے دوران ندی نالوں سے دور رہیں،مری میں آئندہ 24 سے 48 گھنٹوں کے دوران شدید بارشوں کا امکان ہے۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *