سیکیورٹی خدشات: ایس پی اڈیالہ جیل نے آج بشریٰ بی بی کو انسداد دہشتگردی عدالت میں پیش کرنے سے معذرت کر لی

راولپنڈی(پاکستان امیج )اڈیالہ جیل کے سپرنٹنڈنٹ نے سیکیورٹی وجوہات کی بناء پر بشریٰ بی بی کو کیس کی سماعت کے سلسلے میں پیش کرنے سے معذرت کرلی۔
سپرنٹنڈنٹ اڈیالہ جیل راولپنڈی نے بشریٰ بی بی کے خلاف 9 مئی کے مقدمات کی تفتیش اور جسمانی ریمانڈ کے معاملے پر انسداد دہشتگردی عدالت کے جج کو خط لکھ دیا۔ایس پی اڈیالہ جیل نے خط میں لکھا کہ سیکیورٹی وجوہات کی بناء پر اڈیالہ جیل میں آج سماعت ممکن نہیں، جیل میں 190 ملین پاؤنڈ کی سماعت بھی ہونی ہے، بشریٰ بی بی کو سیکیورٹی وجوہات کے باعث پیش نہیں کیا جاسکتا۔

ایس پی جیل کے خط پر وکلاء صفائی نے کہا کہ عدالتی احکامات کے سامنے سپرنٹنڈنٹ جیل کے خط کی کوئی قانونی حیثیت نہیں۔

بعد ازاں عدالت نے فریقین کے دلائل سننے کے بعد سماعت اگلے ہفتے تک ملتوی کردی۔انسداد دہشتگردی عدالت نے آج بشریٰ بی بی کے جسمانی ریمانڈ کی استدعا پر سماعت مقرر کی تھی۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *