سینیٹ الیکشن، حافظ کو نہ ڈھونڈیں، بیلٹ پر صرف عبدالکریم لکھا ہے: مریم اورنگزیب کی پارلیمنٹرینز کو یاددہانی

لاہور (پاکستان امیج ) سینئر وزیر پنجاب مریم اورنگزیب نے سینیٹ الیکشن سے قبل پارلیمنٹرینز کو یاددہانی کروائی کہ بیلٹ پیپر پر عبدالکریم کے ساتھ حافظ نہیں لکھا، آپ حافظ کو نہ ڈھونڈتے رہیے گا ، عبدالکریم نام لکھاہے اس کے آگے 1 لکھنا ہے ۔

تفصیلات کے مطابق سینئر وزیر کی پارلیمنٹرینز کے ساتھ خطاب کی ویڈیو سوشل میڈیا پر شیئر کی گئی جس میں مریم اورنگزیب کا کہناتھا کہ آج اللہ کا شکر ہے کہ ہم اپنے حلقوں میں عزت سے جاتے ہیں ، مشکل وقت بھی ہم پر گزرا ہے ، عوام جان چکی ہے کہ نوازشریف ، شہبازشریف ، مریم نواز اور ن لیگ ہی وہ جماعت ہے جو عوام کو ریلیف اور ترقی دینا جانتی ہے ، بڑے تجربات ہو گئے ہیں، عوام جانتے ہیں کہ اگر انہیں ریلیف ، ترقی چاہیے تو یہ نوازشریف، شہبازشریف اور ن لیگ کے توسط سے ہو سکتی ہے ۔

مریم اورنگزیب کا کہناتھا کہ آپ سب کو اس بریفنگ کی ضرورت اس لیئے ہے کہ یہ یادہانی ہے ، آپ لوگ سینئر پارلیمنٹرینز ہیں، آپ لوگوں نے سینیٹ کے بہت سے الیکشن بھی گزارے ہیں اور ووٹ بھی دیئے ہیں، یہ صرف یاددہانی کیلئے ہے کہ مجھے خود نہیں پتا تھا کہ عبدالکریم کے نام کے ساتھ حافظ نہیں لکھا ہواہے ، ایک چیز پر توجہ ضرور دیجیے گا کہ حافظ کو نہ ڈھونڈتے رہیے گا ، عبدالکریم نام ہو گا اس کے سامنے آپ نے 1 لکھنا ہے ، میں نے حافظ صاحب سے پوچھا کہ حافظ کیوں نہیں لکھا تو انہوں نے بتایا کہ ان کے شناختی کارڈ پر عبدالکریم لکھا ہواہے ، جس کی وجہ سے یہ نام ہوگا، لسٹ میں آخری نام ہے جس کے آگے ہم نے 1 درجہ لکھنا ہے ۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *