کراچی (پاکستان امیج)عالمی مارکیٹ میں سونے کی قیمت منگل کو معمولی اتار چڑھاؤ کے ساتھ مستحکم رہی تاہم امریکی فیڈرل ریزرو کی جانب سے شرح سود بلند سطح پر برقرار رکھنے کے خدشات کے باعث سونا سات ہفتوں سے زائد کی کم ترین سطح کے قریب رہا۔ سرمایہ کار رواں ہفتے جاری ہونے والے اہم امریکی معاشی اعداد و شمار پر نظریں جمائے ہوئے ہیں۔
کاروباری اعداد و شمار کے مطابق اسپاٹ گولڈ کی قیمت معمولی تبدیلی کے ساتھ 4,124.57 ڈالر فی اونس رہی۔ اس سے قبل گزشتہ کاروباری سیشن میں سونا 5 اگست کے بعد کی کم ترین سطح پر پہنچ گیا تھا۔
دوسری جانب امریکی گولڈ فیوچرز کی قیمت 0.3 فیصد کمی کے بعد 4,156.70 ڈالر فی اونس ریکارڈ کی گئی۔
قیمتی دھاتوں کی دیگر اقسام میں بھی مندی کا رجحان دیکھا گیا۔ اسپاٹ سلور 0.6 فیصد کمی کے بعد 60.62 ڈالر فی اونس، پلاٹینم 1 فیصد کمی کے ساتھ 1,699.86 ڈالر جبکہ پیلیڈیم 0.5 فیصد کمی کے بعد 1,209.08 ڈالر فی اونس پر آگیا۔
Pakistan Image