رواں سال کا پہلا سورج گرہن آج، پاکستان میں نظر نہیں آئے گا

لاہور(پاکستان امیج) رواں سال 2026 کا پہلا سورج گرہن آج ہوگا، نظارہ پاکستان میں نہیں کیا جا سکے گا۔
یہ اینولر سورج گرہن ہوگا جسے رنگ آف فائر کہا جاتا ہے، اس دوران چاند اپنے بیضوی مدار میں گردش کرتا ہوا سورج کے عین سامنے آ جائے گا تا ہم سورج کو مکمل ڈھانپ نہیں پائے گا۔

چاند سورج کو مکمل نہیں چھپاتا اس لئے سورج کا بیرونی حصہ روشن اور سرخی مائل دکھائی دے گا۔

سورج گرہن کا نظارہ پاکستان میں نہیں کیا جا سکے گا، مکمل سورج گرہن صرف انٹارکٹیکا میں دکھائی دے گا، جنوبی امریکا کے ممالک چلی، ارجنٹائن اور جنوبی افریقہ کے کچھ حصوں میں سورج کو جزوی گرہن لگے گا۔

پاکستانی وقت کے مطابق گرہن دوپہر 2 بج کر 56 منٹ پر شروع ہوگا، سورج گرہن شام 5 بج کر 12 منٹ پر اپنے عروج پر پہنچے گا، جبکہ رات 7 بج کر 28 منٹ پر سورج گرہن ختم ہوگا۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *