ممبئی (پاکستان امیج)بالی وڈ کی سینئر اداکارہ و سیاستدان ہیما مالنی نے شوہر کی وفات کے بعد ان کی سالگرہ کے روز جذباتی پیغام سوشل میڈیا پر شیئر کیا۔
ہیما مالنی نے دو دلکش تصاویر شیئر کرتے ہوئے طویل پیغام لکھا جس میں انہوں نے کہا کہ دو ہفتے سے زیادہ کا عرصہ گزر چکا ہے، جب آپ نے مجھے دل شکستہ چھوڑ دیا، آہستہ آہستہ اپنے وجود کے ٹکڑوں کو اکٹھا کرکے میں زندگی کو دوبارہ بنانے کی کوشش کر رہی ہوں، یہ جانتے ہوئے کہ آپ ہمیشہ میرے ساتھ ہوں گے۔
Dharam ji
Happy birthday my dear heart❤️
More than two weeks have passed since you left me heartbroken, slowly gathering up the pieces and trying to reconstruct my life, knowing that you will always be with me in spirit. The joyful memories of our life together can never be… pic.twitter.com/zY3QBJN0YE— Hema Malini (@dreamgirlhema) December 8, 2025
سینئر اداکارہ نے کہا کہ ہماری زندگی کی خوشگوار یادیں کبھی مٹ نہیں سکتیں اور ان لمحات کو زندہ کرنا، انہیں یاد کرنا مجھے بہت سکون اور خوشی دیتا ہے۔
دھرمیندر کی موت کے بعد ہیما مالنی کی پہلی ٹوئٹ، پیغام کیساتھ یادگار تصاویر جاری کردیں
ہیما مالنی نے کہا کہ ساتھ گزارے جانے والے لمحات کے لیے میں خدا کا شکر ادا کرتی ہوں کہ اس نے ہمیں جو کچھ دیا اور ہماری پیاری بیٹیاں دیں، خدا سے میری دعا ہے وہ آپ کو امن اور خوشی عطا کرے ، جہاں بھی آپ ہیں وہاں سکون سے ہوں۔
واضح رہے کہ دھرمیندر 89 برس کی عمر میں 24 نومبر کو ممبئی میں انتقال کرگئے جس کے بعد ان کے چاہنے والوں نے سوشل میڈیا پر شدید دکھ کا اظہار کیا۔
Pakistan Image