خیبرپختونخوا کے سرکاری ملازمین نے ہڑتال کا اعلان کر دیا

پشاور(پاکستان امیج)خیبرپختونخوا کے سرکاری ملازمین نے 12 اور 20 مئی کو ہڑتال کا اعلان کر دیا۔

آل گورنمنٹ ایمپلائز گرینڈ الائنس (اگیگا) نے خیبرپختونخوا میں 12 اور 20 مئی کو ہڑتال اور احتجاج کا اعلان کیا ہے۔

اگیگا کے مطابق آج صوبے بھر کے تمام سرکاری دفاتر اور تعلیمی اداروں میں تالا بندی کی جائے گی جبکہ دوپہر 12 بجے تمام اضلاع کے پریس کلبز کے سامنے احتجاجی مظاہرے بھی ہوں گے۔

اگیگا کا کہنا ہے کہ مطالبات منظور نہ ہونے کی صورت میں 20 مئی کو دوبارہ مکمل تالا بندی اور احتجاج کیا جائے گا۔

تنظیم نے مطالبہ کیا ہے کہ سرکاری ملازمین کی پینشن کا پرانا طریقہ کار بحال کیا جائے اور 2011 اور 2015 کے الاؤنسز دوبارہ دیے جائیں۔

اس کے علاوہ صوبائی ملازمین کے لیے وفاق کی طرز پر 30 فیصد ڈسپیرٹی ریڈکشن الاؤنس (ڈی آر اے) مختص کرنے کا مطالبہ بھی کیا گیا ہے۔

اگیگا نے ہاؤس رینٹ، میڈیکل اور کنوینس الاؤنس میں اضافہ کرکے کم از کم 20 ہزار روپے مقرر کرنے، سرکاری اداروں، اسکولوں، کالجوں اور اسپتالوں کی نجکاری کا فیصلہ واپس لینے اور کنٹریکٹ اساتذہ کو مستقل کرنے کا مطالبہ بھی کیا ہے۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *