خیبرپختونخوا حکومت کا پولیس کی تنخواہیں پنجاب پولیس کے برابرکرنےکا فیصلہ

پشاور (پاکستان امیج)خیبرپختونخوا حکومت نے پولیس کی تنخواہیں پنجاب پولیس کے برابر کرنےکا فیصلہ کیا ہے۔
نجی ٹی وی جیو نیوز نےذرائع کے حوالے سے بتایا کہ پولیس کی تنخواہوں کو پنجاب پولیس کے برابر لانےکی تجویز بجٹ میں شامل ہے۔
پولیس کےگریڈ ایک سے 16 تک کے اہکاروں کی تنخواہیں پنجاب پولیس کے برابر کی جائیں گی۔گریڈ 17 اور اس سے اوپر کے افسران کےسپیشل الاؤنس میں اضافےکی تجویز ہے۔
ذرائع کے مطابق قبائلی اضلاع میں پولیس کی استعداد کار بڑھانے کے لیے بجٹ میں 16 ارب روپے رکھنے کی تجویز ہے۔
انسپکٹر جنرل خیبرپختونخوا پولیس ذوالفقارحمید نے جیونیوز سے بات چیت میں کہا کہ حکومت کا پولیس کی تنخواہیں پنجاب پولیس کے برابر کرنے کا فیصلہ خوش آئند ہے، خیبرپختونخوا پولیس دہشت گردی کے خلاف جنگ میں فرنٹ لائن پر لڑ رہی ہے۔
آئی جی کے پی کا کہنا تھا کہ تنخواہوں میں اضافے سے پولیس کا مورال مزید بلند ہوگا، فنڈز کی فراہمی سے قبائلی اضلاع میں پولیس کو مضبوط کیا جائےگا اور جدید اسلحہ خریدا جائےگا۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *