حکومت نے تعطیل کا اعلان کر دیا

کراچی(پاکستان امیج) سندھ حکومت نے کرسمس کے موقع پر مسیحی برادری کے لیے 26 دسمبر کو بھی عام تعطیل کا اعلان کر دیا۔

حکومت سندھ کے محکمہ سروسز، جنرل ایڈمنسٹریشن اینڈ کوآرڈینیشن کی جانب سے جاری کردہ نوٹیفکیشن کے مطابق 26 دسمبر 2025 کو صرف مسیحی برادری کے لیے عام تعطیل ہو گی۔

نوٹیفکیشن کے مطابق 26 دسمبر کو سندھ حکومت کے زیرانتظام تمام سرکاری، خودمختار اور نیم سرکاری ادارے، کارپوریشنز اور لوکل کونسلز بند رہیں گی۔ تاہم انتہائی ضروری خدمات سے وابستہ عملہ تعطیل سے مستثنیٰ ہو گا۔

حکومت سندھ نے 25 دسمبر کو بانی پاکستان قائد اعظم محمد علی جناح کے یومِ پیدائش اور کرسمس کے موقع پر بھی عام تعطیل کا باضابطہ نوٹیفکیشن جاری کر دیا۔ جس کا اطلاق تمام سرکاری، نیم سرکاری اداروں، سندھ حکومت کے ماتحت کارپوریشنز اور لوکل کونسلز پر ہو گا۔

اعلامیے کے مطابق ان تعطیلات کا مقصد مذہبی ہم آہنگی کو فروغ دینا اور اقلیتی برادری کو اپنے مذہبی تہوار آزادی سے منانے کا موقع فراہم کرنا ہے۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *