بیوی کی ناراضگی سے تنگ شوہر نے مشروب میں زہر ملاکر سسرال بھیج دیا، سسر جاں بحق

نوشہرو فیروز (پاکستان امیج)ناراض شوہر نے بیوی بچوں سمیت سسر کو بھی زہر دے دیا۔

نجی ٹی وی چینل جیو نیوز کے مطابق پولیس کاکہنا ہے کہ ملزم کی بیوی اپنے شوہر سے ناراض تھی جس نے طلاق لینے کیلئے عدالت سے رجوع کیا تھا اور اس پر ملزم اس سے شدید ناراض تھا۔

پولیس نے بتایا کہ ناراض شوہر نے پڑوسی کے بچے کی معرفت سے مشروبات میں زہر ملا کر اپنی بیوی کے گھر بھیجا تھا۔

پولیس کے مطابق زہریلی مشروبات پینے سے ملزم کے سسر کی حالت غیر ہوگئی جس پر اسے ہسپتال منتقل کیا گیا جہاں وہ دم توڑ گیا جب کہ ملزم کے بیوی بچوں کو تشویشناک حالت میں کنڈیارو ہسپتال سے طبی امداد کے بعد گمبٹ منتقل کیا گیا ان کی حالت تاحال تشویشناک ہے۔

پولیس نے مزید بتایا کہ بیوی اپنے شوہر سے ناراض ہوکر اپنے باپ کے گھر رہ رہی تھی جب کہ واقعے کے ملزم فرار ہوگیا ہے جس کی تلاش جاری ہے۔

Please follow and like us:
Pin Share

Check Also

پنجاب: میٹرک پاس طلبہ کے لیے 17 میڈیکل ڈپلومہ کورسز میں داخلوں کا اعلان

لاہور(پاکستان امیج)میٹرک کے بعد صحت کے شعبے میں کیریئر بنانے کے خواہش مند طلبہ کے …

Leave a Reply

Your email address will not be published. Required fields are marked *