بجٹ 2024-25، صحت اور تعلیم کیلئے کتنے ارب مختص کیئے گئے ہیں ؟ بجٹ دستاویز سامنے آ گئیں

اسلام آباد(پاکستان امیج)مالی سال 2024-25 کے ترقیاتی بجٹ کی دستاویز سامنے آگئی ہیں، ترقیاتی پروگرام کا مجموعی حجم 14 سو ارب روپے مختص کیا گیاہے ۔

تفصیلات کے مطابق وفاقی وزارتوں کا مجموعی بجٹ 1041 ارب روپے مختص کیا گیاہے ، وزارت آبی وسائل 259 ارب ، سپارکو کیلئے 35 ارب، ریونیو ڈیویژن کیلئے 17 ارب، ریلوے ڈویژن کیلئے 43 ارب مختص کرنے کی تجویز ہے، تخفیف غربت کیلئے آئندہ مالی سال بجٹ مختص نہیں کیا گیا ، پٹرولیم ڈویژن کیلئے تین ارب 22 کروڑ روپے کا ترقیاتی بجٹ مختص کیا گیاہے ۔

بجٹ دستاویزات کے مطابق داخلہ ڈویژن کیلئے آئندہ مالی سال 9 ارب 7 کروڑ روپے ، آئی ٹی ٹیلیوکمیونیکیشن کیلئے 28 ارب 92 کروڑ روپے ،فوڈ سیکیورٹی کیلئے 41 ارب 25 کروڑ روپے ، وزارت صحت کیلئے 27 ارب روپے ، صنعت و پیدوار کیلئے 4 ارب 91 کروڑ، وزارت انسانی حقو کیلئے 10 کروڑ 40 لاکھ ، ہاوسنگ اینڈ ورکس کیلئے 27 ارب 68 کروڑ روپے، ہائر ایجوکیشن کمیشن کیلئے 66 ارب 31 کروڑ روپے کا ترقیاتی بجٹ مختص کرنے کی تجویز ہے ۔

آزاد کشمیر ، گلگت بلتستان کیلئے 74 ارب 50 کروڑ ، ضم شدہ اضلاع کے ترقیاتی بجٹ کیلئے 70 ارب، وفاق کے صوبائی منصوبوں کیلئے 82 ارب 41 کروڑ روپے مختص کرنے کی تجویز دی گئی ہے ۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *