انسٹاگرام پر ’پن‘ کا جادو؛ ہانیہ عامر نے سردار جی تھری کی کامیابی پر منایا جشن

لاہور(ّپاکستان امیج)پاکستان کی دلکش و دلنشین اداکارہ ہانیہ عامر نے اپنی بھارتی پنجابی فلم سردار جی تھری کی عالمی پذیرائی پر جوش و جذبے سے جشن منایا۔ اس فلم نے نہ صرف پاکستانی شائقین کے دل جیتے بلکہ عالمی سطح پر بھی شاندار کامیابی سمیٹ کر سب کو حیران کر دیا۔

ہانیہ عامر نے اپنی خوشی مداحوں کے ساتھ بانٹتے ہوئے انسٹاگرام پر چند دلفریب تصاویر شیئر کیں، جن میں وہ غباروں اور پھولوں کے گلدستوں کے ساتھ کیمرے کے سامنے مسکراتی اور جوشیلے انداز میں پوز دیتی نظر آئیں۔ ان تصاویر کے ساتھ اداکارہ نے کیپشن میں ایک ہی لفظ ’پن‘ لکھ کر اپنی انفرادیت کا جادو جگایا۔

فلم سردار جی تھری27 جون کو پاکستان سمیت دنیا بھر میں ریلیز ہوئی اور اب تک پاکستانی باکس آفس پر کروڑوں روپے کا بزنس کر چکی ہے۔ عالمی سطح پر یہ فلم 60 لاکھ امریکی ڈالرز سے زائد کما کر شائقین کے دلوں پر راج کر رہی ہے۔ بدقسمتی سے، پہلگام میں ہونے والے دہشت گرد حملے کے بعد پاک-بھارت سفارتی تناؤ کے باعث یہ فلم بھارت میں ریلیز نہ ہو سکی مگر اس کے باوجود اس کی مقبولیت سرحدوں کو پار کر گئی۔

فلم کی شاندار کاسٹ میں پنجابی فلموں کے سپر اسٹار دلجیت دوسانجھ، نیرو باجوا، ہانیہ عامر اور ناصر چنیوتی جیسے نامور اداکار شامل ہیں۔ یہ فلم مکمل طور پر برطانیہ میں شوٹ کی گئی، جہاں کی دلکش لوکیشنز اور بین الاقوامی معیار کی فلم سازی نے اسے ایک شاہکار بنا دیا۔

سوشل میڈیا پر شائقین اور ناقدین اس فلم کی کامیابی کو ایک ثقافتی جیت قرار دے رہے ہیں۔ ناقدین کے مطابق سردار جی تھری نے فن، ثقافت اور ہم آہنگی کی طاقت کو ایک بار پھر عالمی سطح پر اجاگر کیا ہے۔ یہ فلم نہ صرف تفریح کا ذریعہ بنی بلکہ سرحدوں کے پار دلوں کو جوڑنے کا سبب بھی بن رہی ہے۔

Please follow and like us:
Pin Share

Check Also

پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان مبینہ علیحدگی کی افواہیں ایک بار پھر سوشل میڈیا پر زیرِ بحث آگئیں۔

لاہور(پاکستان امیج )پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان …

Leave a Reply

Your email address will not be published. Required fields are marked *