اسٹیٹ بینک نے ہاؤسنگ فنانس کی شرائط آسان کر دیں

لاہور: (پاکستان امیج) اسٹیٹ بینک آف پاکستان نے ہاؤسنگ فنانس کے حصول کیلئے جائیداد کی ملکیتی دستاویزات سے متعلق شرائط میں نرمی کردی۔
جس سے گھر، اپارٹمنٹ یا پلاٹ خریدنے کیلئے قرض حاصل کرنے والے شہریوں کو سہولت مل سکے گی۔ نئے ضوابط کے تحت 50 لاکھ روپے تک کے ہاؤسنگ فنانس کیلئے مخصوص شرائط پر جائیداد کے سرکاری ریکارڈ میں بینک کے حق میں لین درج کرکے بھی قرض حاصل کیا جاسکے گا۔

اسٹیٹ بینک کے مطابق بینک اور ترقیاتی مالیاتی ادارے ہاؤسنگ فنانس کیلئے مقررہ فہرست کے مطابق صارفین سے ملکیتی دستاویزات حاصل کریں گے۔

دستاویزات وصول کرنے کے بعد صارف کو دستخط شدہ رسید فراہم کرنا لازمی ہوگا، جس میں موصول ہونے والی تمام دستاویزات کی تفصیلات درج ہوں گی۔

نئے ضوابط کے تحت قرض کے حصول کیلئے گھر، اپارٹمنٹ یا پلاٹ کو قرض فراہم کرنے والے ادارے کے حق میں رہن رکھنا ہوگا۔ تاہم 50 لاکھ روپے تک کے ہاؤسنگ فنانس کیلئے مقررہ شرائط کے مطابق جائیداد کے سرکاری ریکارڈ میں بینک کے حق میں لین درج کرنے کا طریقہ بھی اختیار کیا جاسکے گا۔

اسٹیٹ بینک نے قابلِ تجدید توانائی کے منصوبوں کیلئے قرضوں کے حوالے سے بھی سہولت فراہم کی ہے، نئے قواعد کے تحت مخصوص شرائط کے مطابق ضمانت کے بغیر فنانسنگ کی اجازت ہوگی، جبکہ سولر سمیت نصب شدہ آلات رہن رکھ کر بھی مالی معاونت حاصل کی جاسکے گی۔

مزید برآں گرین پراپرٹی سرٹیفکیٹ کی بنیاد پر بھی ہاؤسنگ فنانس حاصل کیا جاسکے گا، پنجاب کا گرین پراپرٹی سرٹیفکیٹ اور دیگر صوبوں کے مساوی سرٹیفکیٹس قابلِ قبول ہوں گے۔

یہ سرٹیفکیٹ ملکیت، قبضے اور حقِ ملکیت کی تصدیق کرے گا، جبکہ اس کی بنیاد پر اضافی تاریخی یا علیحدہ ملکیتی دستاویزات کی ضرورت نہیں ہوگی۔

اسٹیٹ بینک نے بینکوں اور ترقیاتی مالیاتی اداروں کو نئے ضوابط پر سختی سے عمل درآمد یقینی بنانے کی ہدایت کی ہے۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *