دہشتگردوں کے خلاف کارروائیوں میں کامیابی، مریم نواز کا سکیورٹی فورسز کو خراج تحسین

لاہور(پاکستان امیج) وزیراعلیٰ پنجاب مریم نواز شریف نے دہشتگردوں کے خلاف سکیورٹی فورسز کے مختلف آپریشنز میں کامیابی پر اظہار تشکر کرتے ہوئے فورسز کی پیشہ ورانہ صلاحیتوں کو خراج تحسین پیش کیا ہے۔
وزیراعلیٰ مریم نواز شریف نے اعظم ورسک اور دیر میں کارروائیوں کے دوران 10 دہشتگردوں کی ہلاکت پر سکیورٹی فورسز کو سراہا اور کہا کہ دہشتگردی کے خلاف جنگ میں سکیورٹی فورسز کی قربانیاں اور خدمات قابلِ قدر ہیں۔

مریم نواز شریف نے کہا کہ دہشتگردی کے خلاف جنگ میں پوری قوم سکیورٹی فورسز کے شانہ بشانہ کھڑی ہے۔ دہشتگردی کے مکمل خاتمے کے لیے قوم اور سکیورٹی فورسز متحد ہیں۔

وزیراعلیٰ پنجاب نے کہا کہ ملک کے امن و استحکام کے لیے سکیورٹی فورسز کی پیشہ ورانہ صلاحیتیں اور بہادری قابلِ تحسین ہیں۔ دہشتگردوں کے خلاف کامیاب کارروائیاں امن دشمن عناصر کے خلاف ریاست کے مضبوط عزم کا اظہار ہیں۔

انہوں نے دہشتگردی کے خلاف جنگ میں جانوں کا نذرانہ پیش کرنے والے سکیورٹی اہلکاروں کو بھی خراج عقیدت پیش کیا۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *