ایمن سلیم نے گنیز ریکارڈ بنانے کی کہانی شیئر کر دی

لاہور(پاکستان امیج)پاکستانی شوبز انڈسٹری کی معروف اداکارہ ایمن سلیم کو مداحوں نے ’پاپا کی پری‘ قرار دے دیا۔

ایمن سلیم نے حال ہی میں ایک پوڈکاسٹ میں بطور مہمان شرکت کی جہاں اُنہوں نے اپنے گنیز ورلڈ ریکارڈ کے بارے میں بھی بات کی۔

انہوں نے بتایا کہ میرے والد نے مجھے 2 سیٹوں والی مرسڈیز کنورٹیبل تحفے میں دی تھی، یہ گاڑی مجھے 18 سال کی ہونے سے پہلے تحفے میں ملی تھی، تو اس لیے مجھے گاڑی تو ملی لیکن اسے چلانے کی اجازت نہیں ملی۔

اداکارہ نے بتایا کہ پھر ایک دن میں نے گنیز ورلڈ ریکارڈز کو گوگل پر سرچ کیا، تو مجھے پتہ چلا کہ جو گاڑی میرے پاس موجود ہے، آسٹریلیا کی ایک ٹیم نے بالکل ایسی ہی گاڑی میں 18 لوگوں کو بٹھا کر ایک ریکارڈ بنایا ہے، تو میرے ذہن میں فوراً خیال آیا کہ میرے پاس گاڑی ایسے ہی پارکنگ میں کھڑی ہے، میں اسے چلا تو سکتی نہیں ہوں، تو کیوں نہ گاڑی کو ایسا کوئی ریکارڈ بنانے کے لیے استعمال کیا جائے۔

اُنہوں نے بتایا کہ جب میرے ذہن میں یہ خیال آیا تو میں نے اپنی دوستوں کو بلا کر اپنے ارادے کے بارے میں بتایا اور کامیابی کے ساتھ یہ ریکارڈ بنانے کے لیے وسیم اکرم اور دیگر کرکٹ لیجنڈز سے مشورہ مانگا تو انہوں نے پاکستان کے لیے یہ ریکارڈ بنانے میں ہمارا بھرپور ساتھ دیا اور میں اس ریکارڈ کا کریڈٹ ان لڑکیوں کو بھی دوں گی جو کار میں میرے ساتھ بیٹھی تھیں۔

ایمن سلیم کے اس انٹرویو کا ویڈیو کلپ سوشل میڈیا پر وائرل ہو گیا ہے اور صارفین نے ان کی گنیز ریکارڈ والی کہانی سننے کے بعد انہیں ’پاپا کی پری‘ قرار دے دیا ہے۔

واضح رہے کہ اداکارہ ایمن سلیم پاکستان کے سابق کرکٹر سلیم یوسف کی صاحبزادی ہیں جو کہ 2023ء میں کامران ملک نامی شخص سے شادی کے بعد بیرونِ ملک منتقل ہو گئی ہیں اور اب ان کا ایک بیٹا بھی ہے۔

Please follow and like us:
Pin Share

Check Also

پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان مبینہ علیحدگی کی افواہیں ایک بار پھر سوشل میڈیا پر زیرِ بحث آگئیں۔

لاہور(پاکستان امیج )پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان …

Leave a Reply

Your email address will not be published. Required fields are marked *