اسلام آباد (پاکستان امیج) اسیر چیئرمین پی ٹی آئی سے ملاقات کیلئے بشریٰ بی بی اڈیالہ جیل روانہ ہو گئیں۔
نجی ٹی وی” ایکسپریس نیوز “کے مطابق سابق خاتون اول بشریٰ بی بی اپنے شوہر عمران خان سے ملاقات کے دوران ممکنہ طور پر موجودہ سیاسی صورت حال اور مختلف مقدمات میں ہونے والی پیشرفت سے آگاہ کریں گی۔
قبل ازیں بشریٰ بی بی توشہ خانہ کیس میں ڈسٹرکٹ اینڈ سیشن عدالت میں پیش ہوئیں جس کی سماعت جج طاہر عباس سپرا نے کی۔ عدالت نے سابق خاتون اول کی عبوری ضمانت میں 14 نومبر تک توسیع کر دی۔ دریں اثنا عمران خان کی 6 مقدمات میں درخواست ضمانت پر سماعت بھی 14 نومبر تک ملتوی کر دی گئی۔
Pakistan Image