’یہ اچھی نہیں لگ رہیں‘ صحیفہ جبار کے مختصر لباس پر صارفین کی تنقید

لاہور(پاکستان امیج)اداکارہ اور ماڈل صحیفہ جبار ایک بار پھر سوشل میڈیا پر خبروں کی زینت بن گئی ہیں جہاں ان کے حالیہ اندازِ لباس نے ایک نئی بحث کو جنم دے دیا ہے۔

حال ہی میں صحیفہ جبار خٹک لاہور میں منعقد ہونے والے انفنکس ایونٹ میں شریک ہوئیں جہاں ان کا نیا لک اور لباس توجہ کا مرکز بنا رہا۔ اس موقع پر انہوں نے شارٹ ہیئر کٹ کے ساتھ سفید منی اسکرٹ، سادہ سفید شرٹ اور بغیر آستین والی ٹینس سویٹر زیب تن کی۔

ان کا لباس سوشل میڈیا صارفین کو ایک آنکھ نہ بھایا اور انہوں نے ماڈل و اداکارہ کے فیشن انتخاب کو تنقید کا نشانہ بنایا جبکہ دیگر نے اسے ذاتی آزادی اور جدید فیشن رجحانات کا حصہ قرار دیا۔

ایک صارف نے لکھا کہ ’یہ اس لباس میں اچھی بھی نہیں لگ رہیں‘۔ ایک اور نے کہا بہت افسوس ہو رہا ہے کہ ان لوگوں کی کوئی حد نہیں رہی، کوئی ان پر نظر رکھنے والا نہیں۔ ایک صارف کا کہنا تھا کہ یہ لوگ پاکستانی ثقافت میں خاموشی سے بے حیائی کو فروغ دے رہے ہیں، ایسا لباس قابل قبول نہیں۔ جبکہ ایک صارف نے طنزاً کہا کہ خواتین میں بھی کین ڈول دستیاب ہے۔

اداکار عادل عدیل امجد نے صحیفہ جبار کو آڑے ہاتھوں لیتے ہوئے کہا کہ یہ فراک ہی پہن کر باہر آ گئی ہیں۔ انہوں نے کہا کہ مزہ تو تب آئے گا جب ان کی ویڈیو آئے گی کہ ’پہلے ان کو مجھ سے مسئلہ تھا، پھر ان کو میرے کاروبار سے مسئلہ تھا، پھر ان کو میرے ٹیٹو سے مسئلہ تھا ، پھر ان کو میرے بالوں سے مسئلہ تھا اور اب ان کو میرے فراک سے مسئلہ ہو رہا ہے‘۔

انہوں نے مزید تنقید کرتے ہوئے کہا کہ صحیفہ نے دیکھا کہ اتنے دنوں سے ساری فوٹیج فضا علی کو مل رہی ہے تو ہم بھی کول لوگ ہیں ہم فوٹیج میں کیسے آئیں گے تو فراک پہن کر آ گئیں۔ انہوں نے کہا کہ فراک کے فائدے بھی ہیں اگر آپ پانی سے جا رہے ہیں تو آُ کو پاجامہ اوپر نہیں کرنا پڑے گا آپ ایسے ہی گزر جائیں گے تو اس کو مثبت لیں۔

Please follow and like us:
Pin Share

Check Also

پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان مبینہ علیحدگی کی افواہیں ایک بار پھر سوشل میڈیا پر زیرِ بحث آگئیں۔

لاہور(پاکستان امیج )پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان …

Leave a Reply

Your email address will not be published. Required fields are marked *