اقبالؒ کی فکر منصفانہ اور مستحکم نظام کیلئے مشعل راہ ہے: صدر، وزیراعظم

اسلام آباد(پاکستان امیج) صدر مملکت آصف زرداری اور وزیراعظم شہبازشریف نے شاعر مشرق علامہ اقبالؒ کو خراج تحسین پیش کیا۔

صدر آصف علی زرداری نے کہا کہ علامہ اقبالؒ کا تصور سماجی انصاف اور خود کفیل پاکستان کیلئے رہنمائی فراہم کرتا ہے، اقبالؒ کی فکر ایک منصفانہ، انسان دوست اور مستحکم نظام کیلئے مشعل راہ ہے۔

وزیراعظم شہباز شریف نے اپنے پیغام میں کہا کہ قوم کی جانب سے علامہ محمد اقبالؒ کو خراج عقیدت پیش کرتا ہوں، علامہ اقبالؒ مسلمانان برصغیر کے محسن اور عظیم فکری رہنما تھے، اقبالؒ نے خودی، عمل، ایمان اور فکری آزادی کا پیغام دیا۔

شہباز شریف نے کہا کہ علامہ اقبالؒ کے افکار نے محکوم قوم کو بیداری اور خود مختاری دی، آج علامہ اقبالؒ کا پیغام ہمارے لئے غیر معمولی اہمیت رکھتا ہے۔

وزیراعظم نے مزید کہا کہ علامہ اقبالؒ نے محبت، اخوت اور بیداری ملت کو مقصد حیات قرار دیا، علامہ اقبالؒ کے نظریات کی روشنی میں اتحاد اور علم ہمارا مستقبل ہے۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *