پاکستانی روپے کی قدر میں کمی؟ ڈالر، پاؤنڈ اور یورو کے نئے ریٹس جاری

کراچی (پاکستان امیج)ماہِ مارچ کے آخری دن پاکستان کی کرنسی مارکیٹ میں دلچسپ صورتحال سامنے آگئی جہاں ڈالر سمیت بڑی عالمی کرنسیاں معمولی اتار چڑھاؤ کے ساتھ نئی سطحوں پر ٹریڈ کرتی نظر آئیں۔

اوپن مارکیٹ اور انٹر بینک ریٹس کے تازہ اعداد و شمار نے کاروباری حلقوں اور عوام دونوں کی توجہ اپنی جانب مبذول کر لی جبکہ ماہرین اسے آنے والے دنوں کے لیے اہم اشارہ قرار دے رہے ہیں۔

اوپن مارکیٹ میں امریکی ڈالر 279.50 روپے میں خریدا اور 280.20 روپے میں فروخت ہو رہا ہے جبکہ برطانوی پاؤنڈ 370.17 روپے خرید اور 377.47 روپے فروخت کی سطح پر پہنچ گیا ہے۔ یورو بھی 321.03 سے بڑھ کر 327.53 روپے تک ٹریڈ ہو رہا ہے جو بیرون ملک لین دین کرنے والوں کے لیے اہم اشارہ ہے۔

خلیجی کرنسیوں میں سعودی ریال 74.30 روپے خرید اور 75.45 روپے فروخت ہو رہا ہے جبکہ یو اے ای درہم 75.95 سے بڑھ کر 77.25 روپے تک جا پہنچا ہے۔ اسی طرح کینیڈین ڈالر 198.38 سے 204.15 روپے اور آسٹریلین ڈالر 189.60 سے 194.25 روپے کے درمیان موجود ہے۔

دوسری جانب انٹر بینک مارکیٹ میں بھی معمولی اتار چڑھاؤ دیکھا گیا۔ امریکی ڈالر 279.05 روپے خرید اور 279.55 روپے فروخت ہو رہا ہے۔ برطانوی پاؤنڈ 370.33 سے 370.99 روپے جبکہ یورو 321.38 سے 321.96 روپے کے درمیان ٹریڈ کر رہا ہے۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *