ایشیائی ترقیاتی بینک سے نیا قرض، پاکستان کو 140 ارب روپے ملیں گے

اسلام آباد(پاکستان امیج)پاکستان ایشیائی ترقیاتی بینک سے نیا قرض حاصل کرنے کیلئے تیار ہوگیا، وفاقی حکومت کو 140ارب روپے ملیں گے۔ اے ڈی بی نے 50 کروڑ ڈالرز کے مساوی قرض کی تجویز دے دی۔

تفصیلات کے مطابق اے ڈی بی سے قرض کے حصول کا مقصد سرکاری پنشن نظام میں اصلاحات کرکے اسے پنشنر حضرات کیلئے مزید سہولت بخش بنانا ہے۔ وفاقی حکومت کا سالانہ پنشن بل 1 ہزار 55ارب روپے تک پہنچ گیا۔

حکام کا ماننا ہے کہ ایشیائی ترقیاتی بینک سے قرض کے حصول اور پنشن اخراجات پر قابو پانے کے منصوبے کا نام ٹرانسفارمنگ پبلک سیکٹر پنشن پروگرام رکھا گیا ہے۔ دستاویز کے مطابق سرکاری اداروں کو آگہی پروگرام کے ذریعے تربیت دی جائے گی۔

قرض کے حصول کے ساتھ ہی پنشن نظام میں گورننس اور نگرانی کے نظام کو مضبوط بنانے کی تجویز زیر غور ہے۔ نئی اصلاحات کے نتیجے میں پنشن سے متعلق مستقبل کے مالی بوجھ میں کمی کی توقع کی جارہی ہے۔

ایک رپورٹ کے مطابق ایشیائی ترقیاتی بینک سے قرض کا حصول پنشن نظام کو زیادہ مستحکم اور شفاف بنانے میں مدد دے گا۔ حکومت پنشن کیلئے نیا اور پائیدار نظام متعارف کرانے کیلئے تیار ہے۔ جس سے طے شدہ کنٹری بیوٹری پنشن اسکیم کی نگرانی بہتر بنائی جاسکے گی۔

Please follow and like us:
Pin Share

Check Also

پنجاب: میٹرک پاس طلبہ کے لیے 17 میڈیکل ڈپلومہ کورسز میں داخلوں کا اعلان

لاہور(پاکستان امیج)میٹرک کے بعد صحت کے شعبے میں کیریئر بنانے کے خواہش مند طلبہ کے …

Leave a Reply

Your email address will not be published. Required fields are marked *