اسلام آباد(پاکستان امیج)اسلام آباد ہائیکورٹ نے پرنسپل سیکرٹری ڈاکٹر توقیر شاہ کی بطور ایگزیکٹو ڈائریکٹر ورلڈبینک تعیناتی کیخلاف کیس میں فریقین کو نوٹس جاری کرتے ہوئے جواب طلب کرلیا۔
نجی ٹی وی چینل اے آر وائی نیوز کے مطابق اسلام آباد ہائیکورٹ میں پرنسپل سیکرٹری ڈاکٹر توقیر شاہ کی بطور ایگزیکٹو ڈائریکٹر ورلڈبینک تعیناتی کیخلاف کیس کی سماعت ہوئی،اسلام آباد ہائیکورٹ کے چیف جسٹس عامر فاروق نے سماعت کی،درخواست گزار شہری عبدالطیف قریشی کی جانب سے وکیل جی ایم چودھری پیش ہوئے،وکیل درخواست گزار نے کہاکہ ڈاکٹر توقیر پاکستان ایڈمنسٹریٹو سروسز سے تعلق رکھتے ہیں،ڈاکٹر توقیر شاہ شہبازشریف کے پرنسپل سیکرٹری رہ چکے ہیں،اسلام آباد ہائیکورٹ نے فریقین کو نوٹس جاری کرتے ہوئے جواب طلب کرلیا۔
Pakistan Image