پولنگ کیلئے سیاسی وابستگی سے بالاتر عملے کی تعیناتی یقینی بنائی جائے،چیف الیکشن کمشنر

کوئٹہ (پاکستان امیج)چیف الیکشن کمشنر سکندر سلطان راجہ کے زیر صدارت اجلاس ہوا جس میں عام انتخابات کی تیاریوں کا جائزہ لیا گیا۔

اجلاس سے خطاب میں چیف الیکشن کمشنر سکندر سلطان راجہ کا کہنا تھا کہ غیر جانبدارانہ اور پرامن انتخابات کے انعقاد کیلئے تمام وسائل بروئے کار لائے جائیں، صاف و شفاف انتخابات اہم قومی ذمہ داری ہے،قومی فریضے کو بااحسن پورا کرنے کیلئے نگران حکومت بھرپور کردار ادا کرے، الیکشن کمیشن نگران حکومتوں کو مکمل مدد فراہم کرے گا، پرامن انتخابات کے انعقاد میں کسی قسم کی کوتاہی برداشت نہیں کی جائے گی، انتخابات کا آزادانہ، منصفانہ، غیرجانبدارانہ انعقاد ہی بہتر جمہوریت کا ضامن ثابت ہوگا،پولنگ کے عمل میں سیاسی وابستگی سے بالاتر عملے کی تعیناتی کو ہر لحاظ سے یقینی بنایاجائے،عملے کی کوئی شکایت ملی تو فوری ایکشن لیا جائے گا۔

چیف الیکشن کمشنر نے مزید کہا کہ افسروں کے تبادلے مکمل طور پر میرٹ پر کئے جائیں، افسروں کے تبادلوں کے لئے کسی قسم کا سیاسی دباؤ خاطر میں نہ لایا جائے۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *