پاکستان اے آئی کی دوڑ میں پیچھے، یو اے ای، سنگاپور اور ناروے نے عالمی سطح پر نمایاں برتری حاصل کر لی

اسلام آباد(پاکستان امیج) آرٹیفیشل انٹیلی جنس (اے آئی) کے عالمی سطح پر بڑھتے استعمال میں متحدہ عرب امارات (یو اے ای)، سنگاپور اور ناروے نے نمایاں برتری حاصل کر لی ہے، جبکہ پاکستان اس دوڑ میں پیچھے رہ گیا ہے، جہاں آبادی کا 15 فیصد سے بھی کم حصہ اے آئی ٹولز استعمال کر رہا ہے۔

مائیکروسافٹ کے اے آئی اکنامی انسٹیٹیوٹ کی نئی رپورٹ “اے آئی ڈیفیوشن رپورٹ 2025” میں بتایا گیا ہے کہ یو اے ای اور سنگاپور میں پچاس فیصد سے زائد افراد روزمرہ کے کاموں میں اے آئی ٹیکنالوجی استعمال کر رہے ہیں، جس کی وجہ سے یہ ممالک عالمی درجہ بندی میں سب سے آگے ہیں۔

پاکستان میں سست رفتاری کی وجوہات:

انٹرنیٹ کی محدود دستیابی

ڈیجیٹل مہارتوں کی کمی

مقامی زبانوں میں اے آئی ٹولز کی عدم موجودگی

ماہرین کے مطابق، جن ممالک میں لوگ اپنی مادری زبان (جیسے انگریزی یا عربی) میں اے آئی استعمال کر سکتے ہیں، وہاں اس ٹیکنالوجی کی قبولیت تیزی سے بڑھ رہی ہے۔

دیگر ممالک کی صورتحال:

مسلم ممالک میں برتری: مسلم ممالک میں متحدہ عرب امارات سب سے آگے ہے، جبکہ سعودی عرب، ملائیشیا، قطر اور انڈونیشیا بھی اے آئی تعلیم، ڈیٹا سینٹرز اور حکومتی پروگرامز میں سرمایہ کاری کر رہے ہیں۔

اے آئی ماڈلز تیار کرنے والے ممالک: اسرائیل بھی جدید اے آئی ماڈلز بنانے والے سات ممالک میں شامل ہے، جبکہ امریکا، چین، جنوبی کوریا، فرانس، برطانیہ اور کینیڈا اس فہرست میں اس سے آگے ہیں۔

رپورٹ نے ترقی یافتہ اور ترقی پذیر ممالک کے درمیان اے آئی کے بڑھتے ہوئے فرق کو کم کرنے کے لیے فوری اقدامات کی سفارش کی ہے تاکہ تمام اقوام اس جدید ٹیکنالوجی کے فوائد سے یکساں طور پر مستفید ہو سکیں۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *