کراچی: شاہ فیصل کالونی میں گھر میں آتشزدگی، ماں بیٹی جھلس کر جاں بحق

کراچی(پاکستان امیج) کراچی میں گھر میں آگ لگنے سے ماں بیٹی جھلس کر جاں بحق ہوگئیں۔

نجی ٹی وی چینل دنیا نیوز کے مطابق پولیس کا کہنا ہے کہ شہر قائد کے علاقے شاہ فیصل کالونی میں گھر میں شارٹ سرکٹ کے باعث آگ لگی جس کے نتیجے میں ماں بیٹی جاں بحق ہوگئیں، جھلس کر جاں بحق ہونے والوں کی شناخت 50 سالہ کلیم النساء اور 25 سالہ عتیقہ کے نام سے ہوئی۔

پولیس کا کہنا ہے کہ نعشوں کو ہسپتال منتقل کر دیا گیا، جائے حادثہ سے متعلق مزید معلومات اکٹھی کی جا رہی ہے۔

قبل ازیں شہر قائد کے علاقے گلستان جوہر بلاک 10 میں جھونپڑی میں آگ لگی تھی جس نے کئی جھونپڑیوں کو اپنی لپیٹ میں لے لیا۔

ریسکیو حکام کے مطابق 5 فائر فائٹرز نے 2 گھنٹوں کی کوشش سے آگ پر قابو پایا، آگ لگنے سے درجنوں جھونپڑیاں، خانہ بدوشوں کا سامان اور کئی موٹرسائیکلیں جل گئیں، آگ سے کئی مویشی بھی جھلس گئے۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *