کوئٹہ خودکش حملے کے بعد سپریم کورٹ بار کا آل پارٹیز کانفرنس بلانے کا فیصلہ

اسلام آباد(پاکستان امیج) سپریم کورٹ بار ایسوسی ایشن کے صدر رئوف عطا ایڈوکیٹ نے کوئٹہ میں ہونے والے خودکش حملے کے بعد بلوچستان کی مخدوش صورتحال پر شدید تشویش کا اظہار کیا ہے۔ انہوں نے اسلام آباد میں ایک پریس کانفرنس سے خطاب کرتے ہوئے اعلان کیا کہ سپریم کورٹ بار ایسوسی ایشن بلوچستان کے مسائل پر غور کے لیے دس روز کے اندر اندر ایک آل پارٹیز کانفرنس بلائے گی۔

رئوف عطا نے کہا کہ بلوچستان میں امن و امان کی صورتحال انتہائی خراب ہو چکی ہے اور قومی شاہراہیں بند ہیں۔ انہوں نے افسوس کا اظہار کرتے ہوئے کہا کہ اس وقت بلوچستان میں کوئی وزیر داخلہ تک موجود نہیں ہے۔ ان کا کہنا تھا کہ بلوچستان کے منتخب اراکین اسمبلی بھی اپنے حلقوں میں جانے سے قاصر ہیں، جس سے ظاہر ہوتا ہے کہ وہاں کی صورتحال کس قدر سنگین ہے۔

انہوں نے مزید کہا کہ بلوچستان کے پیچیدہ مسائل کے حل کے لیے سنجیدہ اور بااختیار لوگوں کو ذمہ داریاں سونپی جانی چاہیئں۔ یہ آل پارٹیز کانفرنس بلوچستان میں امن و امان کی بحالی اور عوام کے مسائل کے حل کے لیے ایک اہم قدم ثابت ہو سکتی ہے۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *