ارسلان نصیر کی سوشل میڈیا پر حریم فاروق کو نکاح کی پیشکش، مداح حیران

کراچی(پاکستان امیج)معروف اداکار ارسلان نصیر نے اداکارہ و پروڈیوسر حریم فاروق کو سوشل میڈیا پر نکاح کی غیر متوقع پیشکش کرکے مداحوں کو حیران کر دیا۔

حریم فاروق نے اپنے انسٹاگرام اکاؤنٹ پر سیاہ لباس اور لال اجرک پہنے دلکش تصاویر شیئر کیں، جنہیں دیکھ کر مداحوں سمیت مشہور شخصیات نے بھی تعریفوں کے پل باندھ دیے۔ تصاویر کے کیپشن میں اداکارہ نے لکھاکہ میں لائی ہوں اجرک، آپ لائیں تالیاں۔

اسی پوسٹ پر ارسلان نصیر نے کمنٹ کرتے ہوئے لکھاکہ نکاح پلیز؟ جس کے بعد یہ سادہ مگر چونکا دینے والا تبصرہ دیکھتے ہی دیکھتے وائرل ہوگیا۔

سوشل میڈیا صارفین نے اس دلچسپ اور مزاحیہ تجویز پر خوشی اور جوش کا اظہار کیا۔ کئی مداحوں نے دونوں ستاروں کی جوڑی کو سراہتے ہوئے یہ خواہش ظاہر کی کہ یہ تجویز حقیقت میں بدل جائے۔

حریم فاروق نہ صرف ایک کامیاب اداکارہ ہیں بلکہ انہوں نے بطور پروڈیوسر بھی اپنی صلاحیتوں کا لوہا منوایا۔ فلم جاناں اور پرچی کی پروڈکشن کے ساتھ ساتھ انہوں نے پاکستان سپر لیگ کے اوپننگ شو کی میزبانی بھی کی اور کئی عالمی برانڈز کی ایمبیسیڈر رہی ہیں۔

دوسری جانب ارسلان نصیر اپنی مزاحیہ ویڈیوز کے ذریعے شہرت حاصل کرنے کے بعد ڈرامہ چپکے چپکے سے اداکاری کی دنیا میں قدم رکھا، جہاں ان کی جوڑی ایمن سلیم کے ساتھ ناظرین کو بے حد پسند آئی۔

Please follow and like us:
Pin Share

Check Also

پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان مبینہ علیحدگی کی افواہیں ایک بار پھر سوشل میڈیا پر زیرِ بحث آگئیں۔

لاہور(پاکستان امیج )پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان …

Leave a Reply

Your email address will not be published. Required fields are marked *