لاہور سول لائنز تھانہ کے ایس ایچ او ندیم کمبوہ نے عمران خان کی ضمانت پر مٹھائی بانٹنے والی فیملی کو گرفتا رکر لیا

لاہور (پاکستان امیج )لاہور کے تھانہ سول لائن کی حدود میں عمران خان کی سپریم کورٹ سے 8 مقدمات میں ضمانت منظور ہونے کی خوشی میں ایک فیملی نے چند لوگوں کے ہمراہ مٹھائیاں تقسیم کیں جو پولیس کو گورا نہ ہوا تو بچوں سمیت فیملی کو اٹھا کر تھانے لے گئے۔

تفصیلات کے مطابق پی ٹی آئی کے سابق ڈپٹی سپیکر قاسم خان سوری نے ٹویٹر پر پیغام جاری کرتے ہوئے کہا کہ ’’ایس ایچ او سول لائن، لاہور ندیم کمبوہ نے 3، 4 اور 5 سال کی 3 بچیوں اور 2 سالہ کے بچے کو والدین سمیت اور دو خواتین کو گرفتار کیا، ان سب کا جرم عمران خان کی ضمانتیں منظور ہونے کی خوشی میں مٹھائی تقسیم کرنا تھا، بےغیرتی کی انتہا ہے۔‘‘

قاسم خان کی جانب سے جاری کر دہ ویڈیو میں دیکھا جا سکتا ہے کہ خواتین تھانے میں موجود ہیں اور وہاں بیٹھا پولیس اہلکار کمرے میں سیگریٹ پی رہا ہے جبکہ اس موقع پر وہ خواتین اور بچوں کی موجودگی کا بھی احساس نہیں کر رہا۔

پی ٹی آئی کے آفیشل پیج پر جاری پیغام میں بتایا گیا کہ آخر کار ننھے بچوں اور فیملی کو رہا کروا لیا گیاہے ، مزید کہا کہ تاریخ یاد رکھے گی کہ پاکستان میں 2 سے5 سال کے بچوں کو مٹھائی بانٹنے پر تھانے میں حبس بےجا میں رکھا گیا، عمران خان کی ضمانت کی خوشی میں مٹھائی بانٹنے والے ریاست کے ننھے دشمن بالآخر رہا۔

سوشل میڈیا پر گرفتار کی ویڈیو ز وائرل ہونے کے بعد تھانہ سول لائنز کے ایس ایچ او ندیم کمبوہ پر صارفین کافی سیخ پا دکھائی دے رہے ہیں ۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *