فیض آباد دھرنا معاملہ، شاہد خاقان عباسی پہلی مرتبہ کھل کر بول پڑے

اسلام آباد (پاکستان امیج) سابق وزیراعظم شاہد خاقان عباسی نے کہا ہے کہ فیض آباد میں دھرنے والوں کے خلاف کارروائی ہماری حکومت کی مرضی سے نہیں ہوئی تھی، عدالت نے انہیں منتشر کرنے کا حکم دیا تھا، ہم انہیں سکیڑ کر منتشر کرنا چاہتے تھے۔

نجی ٹی وی جیو نیوز کے پروگرام میں بات چیت کرتے ہوئے شاہد خاقان عباسی نے کہا کہ پولیس آپریشن بھی بد دلی سے ہوا۔انہوں نے کہا کہ یہ معاملات جیسے نظر آتے ہیں اس سے زیادہ سنجیدہ ہیں، ان پر ٹی وی پر تبصرہ نہیں ہونا چاہیے، ہاں اگر عدالت بلائے تو اس کے سامنے حقائق رکھ دیں گے۔شاہد خاقان عباسی نے مزید کہا کہ ثنا اللہ زہری کے خلاف تحریک عدم اعتماد کے موقع پر کوئٹہ گئے تو وہاں سے پوری اسمبلی غائب تھی۔

انہوں نے کہا کہ شہباز شریف کو جواب دینا چاہیے کہ ہمارا مؤقف اگر تبدیل ہوا ہے تو کیوں ہوا ہے؟انہوں نے کہا کہ پی ڈی ایم کی 16 مہینے کی کارکردگی کا ن لیگ کے ووٹ پر اثر پڑے گا، ووٹر جو سوال کرتا ہے ان کے جواب ہمارے پاس نہیں ہیں، ملک کی ضرورت یہ ہے کہ ہم آج آگے کی بات کریں۔ جو ہوا سو ہوا۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *