اختلافات کی افواہوں کے درمیان پرینیتی کی پریانکا کے بھائی کی شادی میں شرکت

ممبئی(پاکستان امیج)بالی ووڈ اداکارہ پرینیتی چوپڑا نے اپنی کزن پریانکا چوپڑا کے ساتھ اختلافات کی افواہوں کو ختم کر دیا۔

بھارتی میڈیا رپورٹ کے مطابق پرینیتی اور پریانکا کے درمیان اختلافات کی یہ افواہواہیں اس وقت دم توڑ گئیں جب وہ پریانکا کے بھائی سدھارتھ چوپڑا کی شادی میں اپنے شوہر راگھو چڈھا کے ہمراہ شریک ہوئیں۔

شادی کی تقریب میں پہنچتے ہوئے پرینیتی اور راگھو کو خوشگوار موڈ میں دیکھا گیا۔ تقریب کے لیے پرینیتی نے روایتی انداز اپناتے ہوئے ایک سرخ بلاؤز، جیکٹ اور ایک ایتھنک اسکرٹ پہنا، جبکہ راگھو نے آف وائٹ کرتا اور براؤن جیکٹ زیب تن کی۔

پرینیتی نے ورمالا کی رسم کی ایک ویڈیو انسٹاگرام اسٹوری پر شیئر کرتے ہوئے لکھا’ معاہدہ پکا ہوگیا‘۔ ویڈیو میں سدھارتھ اور ان کی دلہن کو ایک دوسرے کو مالا پہناتے ہوئے دیکھا جا سکتا ہے۔ اس موقع پر پریانکا، ان کے شوہر نک جونس اور والدہ مدھو چوپڑا بھی اسٹیج پر موجود تھے۔

یاد رہے کہ ان دنوں بہنوں کے درمیان اختلافات کی افواہیں اس وقت شدت اختیار کر گئیں جب پرینیتی نے انسٹاگرام پر ایک خفیہ پیغام پوسٹ کیا جس میں لکھا تھا، ’ہم واقعی ادھار کے وقت میں ہیں، ان لوگوں کا انتخاب کریں جو آپ کا انتخاب کریں، باقی سب کو جانے دیں۔‘

واضح رہے کہ سدھارتھ کی شادی ایک نجی تقریب میں اداکارہ نیلم اپادھیایا سے ہوئی، جن کی منگنی اگست 2024 میں ہوئی تھی۔

دوسری جانب، پریانکا اس وقت ایس ایس راجامولی کی فلم (ایس ایس ایم بی 29) میں مہیش بابو کے ساتھ کام کر رہی ہیں۔

Please follow and like us:
Pin Share

Check Also

پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان مبینہ علیحدگی کی افواہیں ایک بار پھر سوشل میڈیا پر زیرِ بحث آگئیں۔

لاہور(پاکستان امیج )پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان …

Leave a Reply

Your email address will not be published. Required fields are marked *