حمائمہ ملک کا نیا روپ دیکھ کر مداح حیران

کراچی(پاکستان امیج)پاکستانی فلموں اور ڈراموں میں جادوئی حقیقت کا روپ بھرنے والی اداکارہ حمائمہ ملک کا نیا روپ سامنے آنے پر مداح چونک گئے۔

حمائمہ ملک کا شمار ان اداکاراؤں میں ہوتا ہے جنہوں نے ٹی وی اور فلم، دونوں میں اپنی اداکاری کے جوہر دکھائے، ان کی شہرت کا ڈنکا جب سرحد پار بھی بجنے لگا تو انہوں نے وہاں بھی خوب نام بنایا۔

حمائمہ ملک اب اداکاری کے میدان میں تو اتنی متحرک نہیں لیکن فیشن میں وہ خوب چرچوں میں رہتی ہیں۔ ان کے بولڈ لباس سے متعلق اکثر تبصرے ہوتے رہتے ہیں، وہ فوٹو اینڈ ویڈیو شیئرنگ ایپ انسٹاگرام پر اکثر اپنے فیشن کی رونمائی کرتی رہتی ہیں جس پر کبھی ان کی تعریف تو کبھی شدید تنقید ہوتی ہے۔

انہوں نے انسٹاگرام پر اپنا نیا لک شیئر کیا ہے جس میں وہ ایک نئے انداز میں نظر آ رہی ہیں، انہوں نے اپنے بالوں کو سنہرا رنگ کروایا ہوا ہے، پوسٹ کے کیپشن میں بھی انہوں نے لکھا کہ ”حمائمہ یا جمائکا“۔

ان کی مشہور فلموں میں’ بول’، ’عشق خدا‘، ’راجا نٹورلال، ’دیکھ مگر پیار سے‘ اور ’ لیجنڈ آف مولا جٹ‘ شامل ہیں۔ انہیں لکس اسٹائل ایوارڈ کی جانب سے بہترین اداکارہ کا ایوارڈ بھی دیا جاچکا ہے۔

Please follow and like us:
Pin Share

Check Also

پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان مبینہ علیحدگی کی افواہیں ایک بار پھر سوشل میڈیا پر زیرِ بحث آگئیں۔

لاہور(پاکستان امیج )پاکستانی شوبز انڈسٹری کی معروف جوڑی بلال قریشی اور عروسہ قریشی کے درمیان …

Leave a Reply

Your email address will not be published. Required fields are marked *