کور کمانڈر پشاور کا دورہ چترال، امن وامان کی صورتحال پر بریفنگ

چترال (پاکستان امیج)کور کمانڈر پشاور لیفٹیننٹ جنرل حسن اظہر حیات نے چترال کا دورہ کیا جہاں انہیں امن و استحکام کو یقینی بنانے کے اقدامات سے آگاہ کیا گیا۔اس موقع پر کورکمانڈر پشاور نے ضلعی انتظامیہ، شہریوں اور شہداء کے اہلخانہ سے ملاقات کی۔ ملاقات میں چترال میں سیکیورٹی کی صورتحال پر بات چیت کی گئی۔کور کمانڈر پشاور لیفٹیننٹ جنرل حسن اظہر حیات کو امن وامان کی صورتحال پر بریفنگ بھی دی گئی۔

بریفنگ میں بتایا گیا کہ امن وامان کو ہر صورت یقینی بنایا جائے گا، کسی بھی گروہ یا فرد کو امن میں خلل نہیں ڈالنے دیا جائے گا، ریاستی رٹ چیلنج کرنے کی ہرگز اجازت نہیں دی جائے گی۔

اس موقع پر کور کمانڈر پشاور نے کہا کہ چترال کی محب وطن عوام نے پروپیگنڈا ناکام بنادیا ہے، چترال کے عوام کو خراج تحسین پیش کرتے ہیں۔

شہریوں کا کہنا تھا کہ چترال میں افراتفری پھیلانے والوں کو کامیاب نہیں ہونے دیں گے، چترال کی عوام پاک فوج کے شانہ بشانہ امن کو یقینی بنائیں گے۔

کور کمانڈر پشاور لیفٹیننٹ جنرل حسن اظہر حیات نے شہداء کے اہلخانہ سے ملاقات میں ان کے صبر اور جذبے کو سراہا۔

Please follow and like us:
Pin Share

Check Also

رواں مالی سال ترسیلاتِ زر 44 ارب ڈالر سے تجاوز کرنے کی توقع ہے، وزیر خزانہ

اسلام آباد(پاکستان امیج) وفاقی وزیر برائے خزانہ محمد اورنگزیب نے کہا ہے کہ پاکستان اپنے …

Leave a Reply

Your email address will not be published. Required fields are marked *